, sobota 16 grudnia 2017
CO TYDZIYŃ PO NASZYMU: Kiejsi rozmajci kuglorze odgrywali w tijaterze dlo szpasu
Na sónkach i skijach fot: FJD



Dodaj do Facebook

CO TYDZIYŃ PO NASZYMU: Kiejsi rozmajci kuglorze odgrywali w tijaterze dlo szpasu

FJD
CO TYDZIYŃ PO NASZYMU: Kiejsi rozmajci kuglorze odgrywali w tijaterze dlo szpasu


CO TYDZIYŃ PO NASZYMU: Kiejsi rozmajci kuglorze odgrywali w tijaterze dlo szpasu

Szpacyrkym po Cieszynie
“Gdo sie za swój jynzyk wstydzi takim niech sie każdy brzidzi”

"Moja ty słodko cieszyńsko mowo
być zawsze do prawjynio gotowo
a jak cie uż żodyn nie bydzie rozumioł
to jyny wiater bydzie po naszymu szumioł"

POZÓR! Kiery nimo chynci tego czytać, abo kansi wraził łokulory, abo mo moc roboty i łoczy go bolóm to se może tego posłóchać jak prziciśnie ”kursywom” na tóm czornóm szczałke w tej szarej kostce, kierom nóndzie zaroz pod spodkym.

Na sónkach i skijach

Ni ma to wartko tyn Stary Torg oblecieć, bo je tam moc kszeftów i inszych rozmajtych insztytucyji na kiere dzisio sie podziwómy. Piyrszo s kraja chałupa jako ciepła mi na łoczy je s nomerym sztyry, w kierej dzisio snaszeł se plac nasz Cieszyński Zespół Pieśni i Tańca. Po mocka rokach poniewiyranio sie po rozmajtych chałupach dzisio łóni mogóm se tańcować i śpiywać wszedcy w kupie. Kiery dzisio mo chynć może ich tam nawszczywić i podziwać sie jako to teraz to rychtowani do tańcowanio i śpiywanio snadno im idzie. W tych samych dwiyrzach idzie też trefić na biuro, kiero mo pod sobóm porem gimnazyjów, jednóm szkółke i mianuje sie”Stowarzyszenie św. Jana Sarkandra”. Dzisio nima to tak jak było kiejsi, że w jednej chałupie robiło sie jedno a to samo i żodyn nie miyszoł ze sobóm inszej roboty. Ty czasy sie skóńczyły i po sómsiedzku dzisio poradzóm egzystować wedla siebie rozmajte kszefty. Tymu też isto wedla we dwiyrzach w tej samej chałupie kierysi mo kszeft s telefónami. Nie wiym jak wóm, ale mie uż to idzie na nerwy jak taki jedyn panoczek kiery uż wszeckich odgrywoł fórt nas chósuje do kupiynio se u nich takigo felefóna bez drótów. Tyn tydziyń je przewleczóny za Mikołaja, a isto po świyntach bydzie klejzoł na szliczuchach, abo s kopca spuszczoł sie na sónkach i skijach. Tak dejcie se pozór, bo ś nim nima co szpasować, bo jak sie na niego dziwóm to w łoczach móm kamelełóna, kiery co chwila mo na sie inkszóm farbe i poradzi s wami zrobić co yno chce. A najpryndzyj wciś każdymu tyn telefon i eszcze ku tymu zawrzeszczeć brawo TY brawo JA.

Mini słownik:
wartko-szybko,
kszeft-interes,
podziwómy-popatrzymy,
ciepła-rzuciła,
mocka-wiele,
nawszczywić-odwiedzić,
snadno-łatwo,
dwiyrze-drzwi,
kiejsi-kiedyś,
poradzóm-potrafią,
chósuje-namawia,
fórt-ciągle,
przewleczony-przebrany,
klejzoł-ślizgał,
skije-narty,
szpasować-żartować,
poradzi-potrafi,
wciś-wepchnąć

Tóż miyjcie sie wszedcy dobrze i wiesiołego popióntku

Komentarze: (0)    Zobacz opinię czytelników (0)    Dodaj opinie
Redakcja nie ponosi odpowiedzialności za treść komentarzy pozostawionych przez internautów. Komentarz dodany przez zarejestrowanego użytkownika pojawi się na stronie natychmiast po dodaniu. Anonimowy komentarz zostanie opublikowany z opóźnieniem, po jego akceptacji przez redakcję. Komentarze niezgodne z regulaminem będą usuwane.

Dodaj komentarz

Zawartość pola nie będzie udostępniana publicznie.
  • Adresy internetowe są automatycznie zamieniane w odnośniki, które można kliknąć.
  • Dozwolone znaczniki HTML: <em> <strong> <cite> <code> <ul> <ol> <li> <dl> <dt> <dd>
  • Znaki końca linii i akapitu dodawane są automatycznie.

Więcej informacji na temat formatowania

Image CAPTCHA
Wpisz znaki widoczne na obrazku.
reklama
reklama