, czwartek 28 marca 2024
CO TYDZIYŃ PO NASZYMU: Kiejsi kurzili my wszyndzi, a dzisio nie idzie sie sztachnóć ani w gospodzie
Puści do luftu fot: FJD



Dodaj do Facebook

CO TYDZIYŃ PO NASZYMU: Kiejsi kurzili my wszyndzi, a dzisio nie idzie sie sztachnóć ani w gospodzie

FJD
CO TYDZIYŃ PO NASZYMU: Kiejsi kurzili my wszyndzi, a dzisio nie idzie sie sztachnóć ani w gospodzie

...też maluśki kszeft...


CO TYDZIYŃ PO NASZYMU: Kiejsi kurzili my wszyndzi, a dzisio nie idzie sie sztachnóć ani w gospodzie

...nasza Piastowska Księgarnia...

Szpacyrkym po Cieszynie “Gdo sie za swój jynzyk wstydzi takim niech sie każdy brzidzi”

"Moja ty słodko cieszyńsko mowo
być zawsze do prawjynio gotowo
a jak cie uż żodyn nie bydzie rozumioł
to jyny wiater bydzie po naszymu szumioł"

POZÓR! Kiery nimo chynci tego czytać, abo kansi wraził łokulory, abo mo moc roboty i łoczy go bolóm to se może tego posłóchać jak prziciśnie ”kursywom” na tóm czornóm szczałke w tej szarej kostce, kierom nóndzie zaroz pod spodkym.

Puści do luftu

Jako to je, że kierysi dowo gwarancyje wiela majom stoć cygaretle tego nie wiym, bo przeca je to państwowy monopol. Taki jednokowóż egzystuje kszeft na ulicy Głymboki w Cieszynie, kiery za auslagóm mo takóm informacyje. Isto to je dzisio tak, że jak sie kómusi podarzi kupić łacnij przeciepane przez granice cygaretle, to se może na nie dać takóm cyne, jako przidzie mu do czepani. Kiejsi takigo ogłoszynio żodyn by przeca nie doł, bo w każdej dziedzinie i aji we Warszawie kurzoki truły sie za ty same pinióndze. Dziw yo biere, że tacy co se sami zdrowi psujóm nie płacóm drokszej asekuracyji i jak potym sóm nimocni to wszedcy inksi muszóm za ich szpitol płacić. Teraz sóm taki czasy i wszedcy aji tusteloki prawióm, że żyjóm we wolnym kraju i żodyn ni mo prawa stoć ło ich zdrowi, bo łóni wiedzóm lepszyj co im robi szpas. Poniechóm uż to kurzyni, bo to je ciynżko wiec, coby kogosi łod tego nałogu łodegnać chocioż sie mu wyrachhuje, że za całe żywobyci puści do luftu chałupe i ku tymu eszcze piekne auto. Kónsek dalij za tym kszeftym w kierym kurzoki kupujóm to co im zdrowi psuje je też maluśki kszeft, kiery udowo wielki. Bo przeca takich porem metrów na kierych je tam postawióno lada i porem regałów to je przeca gańba zmianować jakimsi Zielónym Smokym. Czasym to je tak, że gdo je mały, a chce być wielki to stanie se wedla mjynszego, abo wyszpekulyruje taki miano, coby wszedcy dufali, że łón je wielki i trzeja mieć przed nim reszpekt. Wedla niego we dwiyrzach obstoła sie nasza Piastowska Księgarnia, kiero w tym miejscu uż je dłógi roki. Je to hrozno wiec jako sie im to podarziło uchować w dzisiejszych czasach przi tym ineternecie i inkszych publikatorach. Jak tak dalij pudzie to nasze dziecka nie bydóm wiedzieć co to je szkartowani w ksiónżkach, bo dzisio stróny na e-bookach same sie przeciepujóm i trzeba yno wachować, coby bateryja nie była prózno.

Mini słownik:
cygaretle-papierosy,
kszeft-sklep,
auslaga-wystawa,
dziedzina-wieś,
łacnij-taniej,
kurzoki-palacze,
nimocny-chory,
prawić-mówić,
szpas-uciecha,
luft-powietrze,
żywobyci-życiorys,
kónsek-kawałek,
gańba-wstyd,
wedla-obok,
obstoła sie-utrzymała się,
podarziło-udało,
hrozno wiec-duża rzecz,
szkartować-przerzucać strony,
wachować-pilnować,

Tóż miyjcie sie wszedcy dobrze i wiesiołego popióntku

Komentarze: (0)    Zobacz opinię czytelników (0)    Dodaj opinie
Redakcja nie ponosi odpowiedzialności za treść komentarzy pozostawionych przez internautów. Komentarz dodany przez zarejestrowanego użytkownika pojawi się na stronie natychmiast po dodaniu. Anonimowy komentarz zostanie opublikowany z opóźnieniem, po jego akceptacji przez redakcję. Komentarze niezgodne z regulaminem będą usuwane.

Dodaj komentarz

Zawartość pola nie będzie udostępniana publicznie.
  • Adresy internetowe są automatycznie zamieniane w odnośniki, które można kliknąć.
  • Dozwolone znaczniki HTML: <em> <strong> <cite> <code> <ul> <ol> <li> <dl> <dt> <dd>
  • Znaki końca linii i akapitu dodawane są automatycznie.

Więcej informacji na temat formatowania

Image CAPTCHA
Wpisz znaki widoczne na obrazku.
reklama
reklama