, wtorek 19 marca 2024
CO TYDZIYŃ PO NASZYMU: Kiejsi kluki góniły na przedbiyżki,a dzisio robióm to kszefty
Na ratuszu idzie eszcze cosi nowego uwidzieć tóż też dzisio bydzie ło tym rzecz. Zaroz po lewo jak sie wlazuje do postrzdka idzie zahoczyć ło taki zieleźny gesztel s zieleźnych lajśni do kierego co dwa tydnie wrażowane sóm "Wiadomości Ratuszowe". fot: F.J.Dral



Dodaj do Facebook

CO TYDZIYŃ PO NASZYMU: Kiejsi kluki góniły na przedbiyżki,a dzisio robióm to kszefty

CO TYDZIYŃ PO NASZYMU: Kiejsi kluki góniły na przedbiyżki,a dzisio robióm to kszefty

Zdjęcia F.J. Dral


CO TYDZIYŃ PO NASZYMU: Kiejsi kluki góniły na przedbiyżki,a dzisio robióm to kszefty


CO TYDZIYŃ PO NASZYMU: Kiejsi kluki góniły na przedbiyżki,a dzisio robióm to kszefty


CO TYDZIYŃ PO NASZYMU: Kiejsi kluki góniły na przedbiyżki,a dzisio robióm to kszefty

"Gdo sie za swój jynzyk wstydzi takim niech sie każdy brzidzi".

SZPACYRKYM PO CIESZYNIE

"Moja ty słodko cieszyńsko mowo

być zawsze do prawjynio gotowo

a jak cie uż żodyn nie bydzie rozumioł

to jyny wiater bydzie po naszymu szumioł"

POZÓR! Kiery nimo chynci tego czytać, abo kansi wraził łokulory, abo mo moc roboty i łoczy go bolóm to se może tego posłóchać jak prziciśnie ”kursywom” na tóm czornóm szczałke w tej szarej kostce, kierom nóndzie zaroz pod spodkym.

Na przedbiyżki

Na ratuszu idzie eszcze cosi nowego uwidzieć tóż też dzisio bydzie ło tym rzecz. Zaroz po lewo jak sie wlazuje do postrzdka idzie zahoczyć ło taki zieleźny gesztel s zieleźnych lajśni do kierego co dwa tydnie wrażowane sóm "Wiadomości Ratuszowe". Zaś zaroz wedla po prawo je informacyjo turystyczno, w kierej robióm uż dłógi roki trzi szykowne paniczki. Isto eszcze wszeckim pasujóm, bo nie zduchnył ich do dzisia żodyn wiater "dobrych zmian". Ale wszecko je eszcze przed nimi, bo taki posady urzyndowe to dzisio ni ma nic pewnego. Styknie, że nie dajóm jakimusi ważnymu tustelokowi mapy Cieszyna, abo za wczas zawróm i uż je po nich. S nowości na rynku to eszcze idzie trefić na taki biołe huśtaczki na sztyróch nogach, na kierych poradzi sie naroz huśtać aji cało familijo. To ty dwa kszefty "Castorama" i "Leory Merlin" idóm ze sobóm na przedbiyżki kiery ś nich bydzie bardziyj dajny. Na razie szlagnył to tyn drugi, ale ani sie nieobezdrzymy, a za chwilem tym piyrszy jakisi inksze charapuci miastu wciśnie. Uciechem s tego majóm aji gołybie kiere s darma dostały nowe gesztele do obsrywanio i dziynka tymu może kapke łod nich oddychnóć Floryjan. Kónsek dalij prziszrubowano je do ziymie tako zieleźno modro bramka s kierej na ludzi giszy woda. Je to tak wyszpekulyrowne, że ani bardzo tej wody nie widać tóż też starziki i starki przelazujóm pod nióm, a potym nie wiedzóm skyrs czymu sóm cali mokrzi. Pod nióm idzie se też umyć rynce, a dlo zgóniónego psa je tam aji przirychtowano modro szolka s wodóm. Mómy teraz na rynku rekreacyje na całego, bo eszcze jak gdo nie pojechoł nad morze to se może legnóć na zielónym leżaku.

Mini słownik:

rzecz-mowa,
wlazuje-wchodzi,
gesztel-urządzenie,
zawróm-zamkną,
kszeft-sklep,
przedbiyżki-wyścigi,
charapuci-niepotrzebne rzeczy,
starzik-dziadek,
skyrs-z powodu.

Tóż miyjcie sie wszedcy dobrze i wiesiołego popióntku!

Dzisiejszy tekst ma tytuł "Na przedbiyżki"

Komentarze: (0)    Zobacz opinię czytelników (0)    Dodaj opinie
Redakcja nie ponosi odpowiedzialności za treść komentarzy pozostawionych przez internautów. Komentarz dodany przez zarejestrowanego użytkownika pojawi się na stronie natychmiast po dodaniu. Anonimowy komentarz zostanie opublikowany z opóźnieniem, po jego akceptacji przez redakcję. Komentarze niezgodne z regulaminem będą usuwane.

Dodaj komentarz

Zawartość pola nie będzie udostępniana publicznie.
  • Adresy internetowe są automatycznie zamieniane w odnośniki, które można kliknąć.
  • Dozwolone znaczniki HTML: <em> <strong> <cite> <code> <ul> <ol> <li> <dl> <dt> <dd>
  • Znaki końca linii i akapitu dodawane są automatycznie.

Więcej informacji na temat formatowania

Image CAPTCHA
Wpisz znaki widoczne na obrazku.
reklama
reklama