CO TYDZIYŃ PO NASZYMU: Jako to je, że staro i zmazano ksiónżka kosztuje telkowne pinióndze

"...na stusku z ksiónżkami pochynióno czaszka z kościotrupa...". fot. FJD

Dzisio Wóm zaś poczytóm po naszymu opowiadanie "Abstynent", Aleksandra Widery z książki "Od Cieszyna do Gogolina". fot. FJD

Szanowni internauci i miłośnicy naszej cieszyńskiej gwary: Zapraszamy Was do wystartowania w konkursie na "Najpiękniejsze Cieszyńskie Słowo". Na naszym portalu www.gazetacodzienna.pl należy kliknąć na wiadomości a potem w spisie odszukać hasło "Najpiękniejsze Cieszyńskie Słowo" i w ten sposób można zapoznać się jak wystartować w konkursie. Kupon konkursowy można też otrzymać we wszystkich bibliotekach powiatu cieszyńskiego od Istebnej po Zebrzydowice. Dlatego zachęcamy też wszystkich, którzy preferują pismo odręczne o pobranie i wypełnienie kuponów konkursowych w naszych powiatowych bibliotekach.

cd. słownika:

asić sie - myśleć dużo o sobie
Kupił se nowe auto i teraz sie asi.

aspóń - przynajmniej
Jak żeś uż zebroł całóm chałupe to aspóń niechej mi zogródek.

SZPACYRKYM PO CIESZYNIE

"Moja ty słodko cieszyńsko mowo
być zawsze do prawjynio gotowo
a jak cie uż żodyn nie bydze rozumioł
to jyny wiater bydzie po naszymu szumioł"

Na razie mómy przileżytość stanóć

Mómy eszcze piekny czas i mogymy sie dalij szmatłać po naszym nejpiekniejszym Cieszynie. Uż cestóm wedla "Osucha" nie poradzymy przejechać i nie wiym czy to je na dobre ale z tych tretuarów co tam do dzisia poukłodali wyglóndo na to że isto ni. Na razie mómy przileżytość stanóć tam z naszym auciskym i nie boć sie żodnego sztrafu. Łod piyrszego isto tam bydzie jyno plac do belfrów, kierzi eszcze majóm kogo uczyć w "Osuchu". Kónsek dalij stoji piekno na krymowo opucowano chałupa w kierej znaszły se swoji miejsca rozmajte chytki na nasze pinióndze. Sóm też tam tacy co tym tuplym chcóm nóm pojczać pinióndze ale jak im na czas tego nie wrócymy to zaroz naprzeciwko je windykator i nie bydzie zmiłij sie. Je też tam tako mało izdebka w kierej jak pisze na łoknie ucznioki z obóch gimpli mogóm cosi wciepać na ruszta. Niewjym jyno czymu aji tako mało kuchyń, kiero mo ganc dobre i tani jedzyni też ni może sie nazywać po polsku. Bo przeca czy to "Tartine" nie szło by przechrzcić na "smakołyki piekarnicze" i zaroz by wszedcy zachycili o co chodzi. Przedujóm też tam stare ksiónżki, kiere gdosi tam prziniós a insi zapómnieli se ich downij kupić i teraz chcóm mieć cosi tańszego na regale dóma. Czasym jednakowóż może nas to kosztować moc piniyndzy jak tako ksiónżka mo uż wjyncyj jak sto roków i eszcze je obtargano. Nie wiym czymu za auslagóm na plakacie je na stusku z ksiónżkami pochynióno czaszka z kościotrupa ale isto chodzi oto coby za moc tych ksiónżek nie czytać a jyno sie na nie dziwać.

A teraz zaś fajny wic:

- Panie dochtorze jak żech je ożrały to nigdy nimogym tego porzóndnie skóńczyć co robiymy s mojóm babóm pod pierzinóm. - To nie pijcie tej gorzoły panoczku radzi dochtór. - Ja ale jak żech je krzyźby to ani mogym zacznóć tej "roboty".

Mjyjcie sie wszedcy dobrze i wiesiołego popióntku.

Dzisio Wóm zaś poczytóm po naszymu opowiadanie "Abstynent", Aleksandra Widery z książki "Od Cieszyna do Gogolina".