CO TYDZIYŃ PO NASZYMU: Jako to hańdownij tustelocy i gorole z Wiseł, Istebnego i Koniakowa winszowali na Nowy Rok

Na szczynści na zdrowi na tyn Nowy Rok, żeby wóm sie darziło, mnożiło kapusta i groch, żeby wóm sie darziło, mnożiło we dworze i w kumorze, na kołeczku i we woreczku, w każdym kóntku po dziesiónku. Dej Boże co byście mieli tela wołków, co w płocie kołków, tela cieliczek co w lesie jedliczek, tela byczków co w lesie buczków, tela owiec co w lesie mrowiec, a w polu coby stoł snop przi snopie, a gazda miyndzy kopami jako miesiónc miyndzy gwiozdami i żeby jechoł wóz za wozym do gumna, jako pszczoły do ula i żebyście byli tacy wiesieli jako w niebie anieli. Żeby sie wóm wszecki dziywki powyzdowały, a pachołcy pożynili, a mie małego połaźniczka na wiesieli zaprosili. Prziszeł wóm tu mały połaźniczek , prziszełech tu po trojniczek, trojniczek mi dejcie zy mie sie nie śmiyjcie, bo tu s wozym nie pojadym, suchej rzepy nie powiezym, a co mi docie to weznym-grosz czy dwa to je moja kolynda. Winszujym wóm szczynścio, zdrowio na tyn Nowy Rok, ale ni yno na tyn Nowy Rok, ale eszcze na delsze czasy, abyście byli wiesieli jako w niebie anieli, aby sie wóm mnożiło darziło, abyście mieli zimioki jako chodoki, kapuste jak pnioki, bób jak żłób, żytko wszecko i proso i cobyście nie chodzili boso.

Mini słownik gwary cieszyńskiej:

winsz - życzenie, jedliczka - jodła, buczek - mały buk, mrowiec - mrówka, gumno - klepisko w stodole, połaźnik - skladający życzenia, trojniczek - trzy grosze.

A jo ekstra winszjym wszeckim tustelokóm, coby tyn szpatny coróna wirus łominył was s daleka i coby sie ani na was nie podziwoł, bo przeca zasłogujecie na moc zdrowio na tyn cały prziszły 2021 Rok.