, sobota 6 marca 2021
CO TYDZIYŃ PO NASZYMU: Jak śniega ni ma, to nóm je miersko, a jak nasuje to je ś nim ostuda
Kapke uż mómy latoś doś dziwoczynio tej zimy, bo mało przeca gdo poradzi to wydzierżeć jak każdy dziyń je inakszyj.  fot: FJD



Dodaj do Facebook

CO TYDZIYŃ PO NASZYMU: Jak śniega ni ma, to nóm je miersko, a jak nasuje to je ś nim ostuda

CO TYDZIYŃ PO NASZYMU: Jak śniega ni ma, to nóm je miersko, a jak nasuje to je ś nim ostuda

”...fest na chwiliczkem sul śniyg...”. fot. FJD

Szpacyrkym po Cieszynie
“Gdo sie za swój jynzyk wstydzi takim nich sie każdy brzidzi”

"Moja ty słodko cieszyńsko mowo
być zawsze do prawjynio gotowo
a jak cie uż żodyn nie bydzie rozumioł
to jyny wiater bydzie po naszymu szumioł"

POZÓR! Kiery nimo chynci tego czytać, abo kansi wraził łokulory, abo mo moc roboty i łoczy go bolóm to se może tego posłóchać jak prziciśnie tóm biołóm szczałke w tej czyrwiónej kostce, kieróm nóńdziecie pod spodkym”.

Dzierżeć wolanty

Kapke uż mómy latoś doś dziwoczynio tej zimy, bo mało przeca gdo poradzi to wydzierżeć jak każdy dziyń je inakszyj. Roz mar-znie, a po drugi zaś suje śniyg, kiery wszeckim robi moc ostudy. Ni mogym se spómnieć kiedy zamar-znióno była Bobrówka, a tego roku sie ji to podarziło. Mało tego, eszcze cosi mokrego s nieba padze i nieskorzij s tego robi sie kielzgowka na cestach. Skyrs tego szoferzi muszóm fest dzierżeć wolanty w gorści, coby nie zarachować żodnej przikopy. Ci macherzi, kierzi zgrzybajóm tyn śniyg s cestów, też latoś se ani na chwiliczkem ni mogóm spocznóć. A rozchodzi sie ło to, że łóni nie poradzóm ani jednego dnia do przodku zachycić tego, czym s nieba za porem godzin bydzie prało. Dejmy na to, we strzode do połednia tak fest na chwiliczkem suł śniyg, że nie było widać świata bożego ani na jedyn meter, a za chwile zaś zaczło padać i wartko sie zrobiła kielzowka na wszeckich cestach. Skyrs tego mało eszze gdo wiy, jak sie trzeja oblyc rano do roboty, coby po połedniu nie złómać se na ceście klepetów, abo nie prziś do chałupy ganc zmoczonym. Chłopóm to oblykani moc nie robi ostudy, bo łóni ni majóm w noturze dziynnie co inszego na siebie wieszać i skyrs tego idzie im to wartciyj. Zaś paniczkóm uż dzisio isto też nie chybio czasu na pińdżyni sie przed wylazowanim s chałupy, bo ty maski, kiere wszedcy muszóm mieć na gzychtach nie przidowjóm im żodnej urody. Jak dłógo eszcze bydzie egzystowała ta dziwoko zima, to żodyn isto nie wiy, chocioż rozmajci móndrocy łod pogody prawióm, że łod niedzieli mo iś ku lepszymu.

Mini słownik gwary cieszyńskiej:

kapke - trochę, dziwoczyć - straszyć, wydzierżeć - wytrzymać, suje - sypie, ostuda - kłopot, podarziło - udało się, padze - pada, nieskorzij - później, kielzowka - ślizgawka, cesta - droga, wolant - kierownica, dzierżeć - trzymać, zarachować - zaliczyć, przikopa - rów, zgrzybać - zgarniać, latoś - w tym roku, poradzóm - potrafią, zachycić - załapać, fest - mocno, skyrs - z powodu, oblykani - ubieranie, warciyj - szybciej, wylazowanie - wychodzenie, gzycht - twarz, prawióm - mówią.

Tóż miyjcie sie wszedcy dobrze i wiesiołego popióntku.

Komentarze: (0)    Zobacz opinię czytelników (0)    Dodaj opinie
Redakcja nie ponosi odpowiedzialności za treść komentarzy pozostawionych przez internautów. Komentarz dodany przez zarejestrowanego użytkownika pojawi się na stronie natychmiast po dodaniu. Anonimowy komentarz zostanie opublikowany z opóźnieniem, po jego akceptacji przez redakcję. Komentarze niezgodne z regulaminem będą usuwane.

Dodaj komentarz

Zawartość pola nie będzie udostępniana publicznie.
  • Adresy internetowe są automatycznie zamieniane w odnośniki, które można kliknąć.
  • Dozwolone znaczniki HTML: <em> <strong> <cite> <code> <ul> <ol> <li> <dl> <dt> <dd>
  • Znaki końca linii i akapitu dodawane są automatycznie.

Więcej informacji na temat formatowania

Image CAPTCHA
Wpisz znaki widoczne na obrazku.
reklama
reklama