, wtorek 18 stycznia 2022
CO TYDZIYŃ PO NASZYMU: Jak sie gdosi sóm chwoli to jakby sie g....mi mazoł
Dzisio sie przizdrzymy przistankóm, na kierych s żółtych autobusów wylazujóm i do kierych wlazujóm tustelocy.  fot: FJD



Dodaj do Facebook

CO TYDZIYŃ PO NASZYMU: Jak sie gdosi sóm chwoli to jakby sie g....mi mazoł

FJD
Szpacyrkym po Cieszynie
“Gdo sie za swój jynzyk wstydzi takim nich sie każdy brzidzi”

"Moja ty słodko cieszyńsko mowo
być zawsze do prawjynio gotowo
a jak cie uż żodyn nie bydzie rozumioł
to jyny wiater bydzie po naszymu szumioł"

POZÓR! Kiery nimo chynci tego czytać, abo kansi wraził łokulory, abo mo moc roboty i łoczy go bolóm to se może tego posłóchać jak prziciśnie tóm biołóm szczałke w tej czyrwiónej kostce, kieróm nóńdziecie pod spodkym”.

Hrozne pinióndze

Dzisio sie przizdrzymy przistankóm, na kierych s żółtych autobusów wylazujóm i do kierych wlazujóm tustelocy. Nie wiym, kiery pore dni tymu poprzirażowoł na nich taki plastikowe plakaty, na kierych warszawski dycydynty sie chwolóm, że dali moc piniyndzy na jakómsi inwestycyje. Wyglóndo to tak, że jak tyn plakat wisi na przistanku, to tyn pinióndz zustoł na niego zmitrynżóny. Ale skyrs czymu, tych porem zieleźnych kulików otoczónych szklanymi łoknami mo taki hrozne pinióndze kosztować, tego isto żodyn tak naprowdem nie wiy. Ty plakaty nie wiszóm na wszeckich przistankach i tego też nie wiym skyrs czymu, bo jedne na sie to majóm a drugi ni. Możne, że kierysi pogrzeboł tustelokóm w papiórach i sie skapowoł kierzi ś nich poradzóm eszcze czytać i te rzóndowóm chwolbe zachycóm. Chocioż gdo mo yno kapkem rozumu w czepani, to zarozinko zachyci, że to je jakosi chwolba, kiero ni ma prowdziwno. Bo przeca za ty pinióndze ło kierych je rzecz, szło by postawić pieknom chałupkem i eszcze jóm jakimsi płotym łogrodzić. Możne, że na wieszani tych plakatów kierysi mioł ganc inszy napad i nie chce sie do tego dzisio prziznać. Możne, że kierysi wciepoł do takigo wiynkszego kłobuka losy na kierych były nomery tych przistanków, a na kiere padło na tych wiszóm ty plakaty. Najlepszyj byłoby to powieszać na wszeckich przistankach, coby każdy, kiery poradzi eszcze czytać sie dowiedzioł, jako to wielko dobroć spotkała cieszynioków, że aże kierysi prosto z Warsawy wystawił nóm porem przistanków dlo żółtych autobusów.

Mini słownik gwary cieszyńskiej:

sie przizdrzymy - przyglądniemy się, wylazujóm - wysiadają, wlazują - wsiadają, porzirażowoł - poprzyczepiał, skyrs - z powodu, zieleźny - żelazny, hrozne - bardzo duże, na sie - na sobie, kierysi - ktoś, sie skapowoł - się zorientował, poradzóm - potrafią, chwolba - chwała, zachycóm - załapią, kapkem - trochę, czepań - głowa, je rzecz - jest temat, postawić - wybudować, ganc - całkiem, napad - pomysł, wciepoł - wrzucił, poradzi - potrafi, wystawił - wybudował.

Tóż miyjcie sie wszedcy dobrze i wiesiołego popióntku!

Komentarze: (0)    Zobacz opinię czytelników (0)    Dodaj opinie
Redakcja nie ponosi odpowiedzialności za treść komentarzy pozostawionych przez internautów. Komentarz dodany przez zarejestrowanego użytkownika pojawi się na stronie natychmiast po dodaniu. Anonimowy komentarz zostanie opublikowany z opóźnieniem, po jego akceptacji przez redakcję. Komentarze niezgodne z regulaminem będą usuwane.

Dodaj komentarz

Zawartość pola nie będzie udostępniana publicznie.
  • Adresy internetowe są automatycznie zamieniane w odnośniki, które można kliknąć.
  • Dozwolone znaczniki HTML: <em> <strong> <cite> <code> <ul> <ol> <li> <dl> <dt> <dd>
  • Znaki końca linii i akapitu dodawane są automatycznie.

Więcej informacji na temat formatowania

Image CAPTCHA
Wpisz znaki widoczne na obrazku.
reklama
reklama