, piątek 24 stycznia 2020
Co tydziyń po naszymu: Idymy ku ZOR-u
"...jak piszóm na szyldzie "Delikatesy" to to isto je prowda". fot: F.J.Dral



Dodaj do Facebook

Co tydziyń po naszymu: Idymy ku ZOR-u

Co tydziyń po naszymu: Idymy ku ZOR-u

"Jak eszcze kapke pokroczymy to trefiymy na kszeft z rozmaitymi papiórami...". fot. F.J.Dral


Co tydziyń po naszymu: Idymy ku ZOR-u

F.J.Dral, współpracownik portalu gazetacodzienna.pl, prowadzi kącik gwarowy "Co tydziyń po naszymu", fot. ARC

"Gdo sie za swój jynzyk wstydzi takim niech sie każdy brzidzi". Szpacyrkym po Cieszynie: Isto nazywali by go"Fan"

Strasznie mi je luto, że żodyn nic nie pisze ale myślym se, że to wszecko je wina tej nowej strónki. Jako Was móm namówić do pisanio to uż nie wiym. Musicie sami prziś na to jako sie to robi a potym to uż samo pudzie. Tak fórt na Was rachujym!

Szpacyrkym po Cieszynie

"Moja ty słodko cieszyńsko mowo
być zawsze do prawjynio gotowo
a jak cie uż żodyn nie bydze rozumioł
to jyny wiater bydzie po naszymu szumioł"

Isto nazywali by go"Fan"

Tak jak żech Wóm obiecoł bydymy pumaluśku szmatłać sie ku wyrchu aż kiejsi dóndymy aż na ZOR. Bydzie to isto trwało pore tydni i łod czegosi trzeja zacznóć. W tej pieknej chałupie zaroz na winklu kaj sie kóńczy Limanowskigo je fórt tyn sóm kszeft co kiejsi tam był. Mo tam kszeft tyn ostatnio przezy mie chwolóny "Społym". Dzisio zaś go też trzeja pochwolić za ty piekne drzewiane dwiyrze i auslagi. Musiała ta renowacyja moc kosztować ale teraz przinajmniyj je na czym łoko zawiesić. Widać, że sóm tam ludzie co nima im wszecko jedno jako ich kszeft bydzie wyglóndoł. Nie wlazowołech tam do nich bo se myślym, że jak piszóm na szyldzie "Delikatesy" to isto je to prowda. Chocioż muszym Wóm rzeknóć, że teraz uż wszyndzi w każdej dziurze sóm delikatesy. Dwiyrze zaś dalij w tej samej chałupie mogymy se kupić łokulory na rozmajte przipadłości a jak eszcze kapke pokroczymy to trefjymy na kszeft z rozmajtymi papiórami, blajsztyftami i inszymi wiecami do pisanio. Mogymy se też tam kupić kartki na miano na Gody na wiesieli i eszcze na inszóm przileżytość. Pamjyntóm, że kiejsi za Ludowej Ojczyzny kierownikym tam był bardzo szykowny pón Walica - wielki kibic Piasta
Cieszyn a teraz isto nazywali by go "Fan".

A teraz zać fajny wic:

- Antek prawi Karłowi: - Wiysz dzisio śniła mi sie twoja umrzito baba. - Ja co ty prawisz! A co ci prawiła? - Nic nie prawiła! - To na iste nie była moja baba.

Tóż mjyjcie sie wszedcy dobrze i wiesiołego popiątku.

Dzisio Wóm zaś poczytóm po naszymu "Cosik o Bernatowi Pytlikowi co sie rod chwolił", Karola Piegzy z książki "Sękaci ludzie":

Komentarze: (6)    Zobacz opinię czytelników (0)    Dodaj opinie
Redakcja nie ponosi odpowiedzialności za treść komentarzy pozostawionych przez internautów. Komentarz dodany przez zarejestrowanego użytkownika pojawi się na stronie natychmiast po dodaniu. Anonimowy komentarz zostanie opublikowany z opóźnieniem, po jego akceptacji przez redakcję. Komentarze niezgodne z regulaminem będą usuwane.

Dobre je to, że jak to człowiek przipadkym przeczyto po siebie i nóndzie jakisi ty byki, tak sie ich do łoprawić.

A czymu by ni mieli narzykać? Niech narzykajóm, ale pod jednym warunkym, że bedóm narzykać po naszymu.
S tym narzykanim mioł taki nie bardzo przyijymne przeżyci jedyn farorz, kiery sie wracoł nieskoro w nocy łod umiyrajóncego. A że fara stoła za kierchowym, musioł wólki nie wólki kole niego przynść. Jak już mijoł cmyntarnóm brame, slyszy straszne narzykani, fuczyni, stynkani a jynki. Chocioż był katolik a nie prawosławny, przeżegnoł sie na wszelki wypadek trzi razy a potym trzynsóncym głosym sie pyto:
- A czegóż ci trzeba, duszo potympióno?
A z drugy stróny płotu przichodzi łodpowiydź:
- Papióóóóóóóru.
Tóż, ludkowie, już my sie tela nie ser... jak tyn pijok na kierchowie i piszmy. Pozdrowióm wszystkich zweryfikowanych aji niezweryfikowanych, a gor pana moderatora, kierymu skazujym: niech żywi nie tracóm nadzieji.

Wprowadzenie komentowania logowanego nie jest utrudnieniem, a jedynie ukulturalnieniem komentujących. W takim miejscu jak to, gdzie od jakiegoś czasu można było obserwować dyskusję tych samych osób - stałych czytelników kącika gwarowego, wprowadzenie logowania powinno jedynie sprzyjać rozwojowi, a nie martwicy tego miejsca. Dużo lepiej by się tutaj wam dyskutowało, gdybyście się znali z imienia i nazwiska lub ze stałych pseudonimów. Dzięki temu nie byłoby podszywania się pod inne osoby, a dyskusja mołaby odbywać się pomięzy konkretnymi osobami. Jednym słowem - plus - dla zmian. Przyzwyczajcie się i przestańcie narzekać jak 80% tego społeczeństwa! A może Pan Panie Fryderyku, opisze "po naszymu" i z pozycji osoby, reprezentującej dojrzalszą cześć czytelników, jak się zarejestrować i gdzie znaleźć gwarę na nowej stronie?

A jo powiym tela, że ni ma to taki ciynżkie żeby sam nieco napisać. Okno kaj sie wpisuje komentarz, je ganc podobne to tego kere było na starej stronie. Trocha mie to nerwuje, że wszyscy by yno narzekali jak to je źle, bo coś nowego priszło. Nowe nie oznaczo, gorsze. Nowe oznaczo przede wszystkim tyle, że muszymy się czegoś więcej nauczyć. Mie sie nowa stronka podobo, je czysto wiyncej infromacji. Jeszcze żech sie nie zarejestrowoł, ale widza, że moje komentarze som na stronie. Nie narzekajmy, jak bajtel kerymu sie z trójkołowego koło fater kazoł przesionść na zwykłe koło. Idymy to przodku, strona musi sie rozwijać. Panie Dral pisz pan dalij, to że ni ma komentarzy tela jak bylo wczesnij nie znaczy, że żodyn pana nie czyto. pozdrawiom

Panie Dral, jo sie myślym, że tu ludzie niepiszóm bo ich je gańba pisać (nie to Boże mówić) po naszymu. Tacy sie myślóm, że jak bedóm mówić tylko po polsku, to bedóm cosi wiyncyj niż ostatni ludzie. Ale je dokozane, że jak małe dziecko sie od mała uczy dwa jynzyki, to sie mu rozum lepi rozwijo niż tym jednolingwinistóm. Dobrze to je widzieć na dzieckach po lewej strónie Olzy. Tych z polskich szkół o moc wiyncyj sztuduje, niż tych z czeskich.

Panie Dralu, óno fakt je ćynżki tóm strónke nóńść. Ni ma już tej wielki ikónki po strónie, kieróm człowiek dycki przicisnył i było - a kiery ni ma z tym internetym taki kamrat, fakt może być stracóny...

Dodaj komentarz

Zawartość pola nie będzie udostępniana publicznie.
  • Adresy internetowe są automatycznie zamieniane w odnośniki, które można kliknąć.
  • Dozwolone znaczniki HTML: <em> <strong> <cite> <code> <ul> <ol> <li> <dl> <dt> <dd>
  • Znaki końca linii i akapitu dodawane są automatycznie.

Więcej informacji na temat formatowania

Image CAPTCHA
Wpisz znaki widoczne na obrazku.
reklama
reklama