, piątek 29 marca 2024
CO TYDZIYŃ PO NASZYMU: Haziel to je przidajno wiec, tak dlo do starzików i aji dlo młodzioków
Łopucowany na rużowo fot: FJD



Dodaj do Facebook

CO TYDZIYŃ PO NASZYMU: Haziel to je przidajno wiec, tak dlo do starzików i aji dlo młodzioków

FJD
CO TYDZIYŃ PO NASZYMU: Haziel to je przidajno wiec, tak dlo do starzików i aji dlo młodzioków


CO TYDZIYŃ PO NASZYMU: Haziel to je przidajno wiec, tak dlo do starzików i aji dlo młodzioków

Szpacyrkym po Cieszynie
“Gdo sie z swój jynzyk wstydzi takim niech sie każdy brzidzi”

"Moja ty słodko cieszyńsko mowo
być zawsze do prawjynio gotowo
a jak cie uż żodyn nie bydzie rozumioł
to jyny wiater bydzie po naszymu szumioł"

POZÓR! Kiery nimo chynci tego czytać, abo kansi wraził łokulory, abo mo moc roboty i łoczy go bolóm to se może tego posłóchać jak prziciśnie ”kursywom” na tóm czornóm szczałke w tej szarej kostce, kierom nóndzie zaroz pod spodkym.

Łopucowany na rużowo

Bydymy drepsić po tym Starym Torgu eszcze chwiliczkem, bo zustało nóm pore chałup do obezdrzicio. Piyrszo na raji chałupa bydzie to ta, kiero mo nomero trzi, a spodek łopocowany je na rużowo. W ni je kszeft, kiery mo we starości zachwolać wszelijaki insztalacyje do rozmajtych hajcungów i aji taki co sie mianujóm po zagramanicznymu. Ta chałupa zaimawe mo jednakowóż to,że kierymusi chybiło tego rużowego pucu na ściane łod ulice Fredry i łopacznie to wyglóndo. W tej ulicy zaroz s kraja je biuro s rozmajtom asekuracyjóm. Kapke dalij idzie trefić na dwoje dwiyrzi przez kiere kiejsi wlazowało sie do miastowych haźli. Dzisio na jednych dwiyrzach wisi kartka, że je to tam do najyńcio, a na drugich wisi jakisikej Solid. Kómu to zawadzało, że ty haźle kozoł zawrzić tego nie wiym, ale na zicher ni ma to dobry napad. Przeca w naszym mieście je co roz wiyncyj starzików, kierzi majóm słaby zdziyrż i chociożby dlo nich trzeja to było tam niechać. Cosi je takigo w naturze człowieka, że jak je młody to dycki se myśli, że sie nie zestarzi i skyrs tego wszecko co robi to yno dlo swojigo pokolynio. A jak sie uż zestarzi to je za nieskoro, coby rozmyślać jako by curiknóć czas i musi żyć w tym bajzlu jaki se sóm nawarził. Sóm widać w naszym mieście eszcze tacy, co wiedzóm kiedy na człowieka przichodzi tyn słaby zdziyrż i chcóm dać drugi życi tym haźlóm wedle kościoła wanelickigo. Tak se rozmyśłóm, że na iste sóm to wanelicy, kierzi majóm we starości swojich łojców i starzików, co roz do tydnia idóm se pożykać do kościoła, a nieskorzij potrzebyjóm nawszywić tyn hazieł, ło kierym była rzecz.

Mini słownik:
drepsić-człapać,
obezdrzić-obejrzeć,
raja-rząd,
łopucowany-otynkowany,
hajcungi-ogrzewanie,
mianujóm–nazywają,
zaimawe-interesujące,
puc-tynk,
opacznie-odwrotnie,
asekuracyja-ubezpieczenie,
kapke-trochę,
haziel- toaleta,
na zicher-na pewno,
napad-pomysł,
zdziyrż-trzymanie,
zestarzi-zestarzeje,
dycki-ciągle,
curiknóć-cofnąć,
wanelicy-ewangelicy,
we starości-w opiece,
pożykać-pomodlić,
nawszczywić-odwiedzić,
rzecz-mowa.

Toż miyjcie sie wszedcy dobrze i wiesiołego popióntku.

Komentarze: (0)    Zobacz opinię czytelników (0)    Dodaj opinie
Redakcja nie ponosi odpowiedzialności za treść komentarzy pozostawionych przez internautów. Komentarz dodany przez zarejestrowanego użytkownika pojawi się na stronie natychmiast po dodaniu. Anonimowy komentarz zostanie opublikowany z opóźnieniem, po jego akceptacji przez redakcję. Komentarze niezgodne z regulaminem będą usuwane.

Dodaj komentarz

Zawartość pola nie będzie udostępniana publicznie.
  • Adresy internetowe są automatycznie zamieniane w odnośniki, które można kliknąć.
  • Dozwolone znaczniki HTML: <em> <strong> <cite> <code> <ul> <ol> <li> <dl> <dt> <dd>
  • Znaki końca linii i akapitu dodawane są automatycznie.

Więcej informacji na temat formatowania

Image CAPTCHA
Wpisz znaki widoczne na obrazku.
reklama
reklama