CO TYDZIYŃ PO NASZYMU: Grosz do kiśniczki ”...głośno śpiywoł po nasymu...”. fot. FJD  ”...”w tych celtowych żberach...”. fot. FJD  ”...”licytacyja po cimoku...”. fot. FJD być zawsze do prawjynio gotowo a jak cie uż żodyn nie bydzie rozumioł to jyny wiater bydzie po naszymu szumioł" Uż my aji w Cieszynie prziwykli do tej WOŚP, tak jak do nowego roku, kiery mo takóm przidadłóś, że dycki przichodzi ło tym samym czasie. Tego roku łona też prziszła jak każdego roku do Cieszyna, coby zagrać i utarżyć kapke grosza. Szkoda yno, że żodyn nie poradzi cosi nowego wynokwić. Czasym to je dobre prziwyknóć do tego samego, bo nie trzeja moc rozmyślać i yno podziwać sie na kalyndorz w kierym fórt je to samo. Jedno co sie yno pomiyniało, to fojermóni, kierzi kiejsi byli państwowi, a dzisio yno sami ochotnicy. To samo je s tymi morsami, kierych tego roku jakosi było moc, bo ani bardzo se nie poradzili nónś placu w tych celtowych żberach. Nikierzi s tych morsów, kierzi mieli yno na siebie same gatki prugowali sie aji gimnastykować, coby sie kapke zagrzoć. Lepszy byłby na to isto kwit, ale nie prziszli na to, coby se go prziwiyś ze sebóm i zustało im jyno to wyginani sie. Na zómku groł cały dziyń taki jedyn panoczek przewleczóny za gorola, a ku tymu tak głośno śpiywoł po naszymu, że słyszany był na całej Głymboki. Siedzioł w bramie, kiero kludzi na zómek i każdy, kiery chcioł sie dosać ku wieży musioł kolem wedla niego sie przeciś i chynoć jakisi grosz do kiśniczki. Kónsek dalij piyrszy roz w Cieszynie jacyci macherzi nalywali piwo do małych plastikowych kieliszków za darmo. Tako wiec dycki ludzi naganio, bo niekierzi prawióm, że darmochem chociożby odchorować to zjeś i wypić trzeja. Z darma też szło chynóć na ruszta talyrziczek grochówki, kieróm rozdowali na rynku fojermóni. Nejwiynkszóm jednakowóż atrakcyjóm była na rynku licytacyja po cimoku, bo kierysi prziszeł na to, że lepszyj je cosi kómusi pociś jak tego nie idzie dobrze obezdrzić. Mini słownik: dycki - zawsze, utarżyć - zarobić, kapke - trochę, wynokwić - wywinąć, podziwać - popatrzeć, fórt - ciągle, fojermóni - strażacy, nónś - znaleźć, żber - duży pojemnik, celtowy - impregnowany, kwit - gorzałka, prziszli na to - wpadli na to, przewleczóny - ubrany, kludzi - prowadzi, wedla - obok, kiśniczka - pudełko, chynóć - rzucić, cimok - zmierzch, pociś - popchać obezdrzić - pooglądać. Mjyjcie sie wszedcy dobrze i wiesiołego popióntku.
|
reklama
|
|||||||||||||||
|
Dodaj komentarz