CO TYDZIYŃ PO NASZYMU: Fórt mómy ostude z tóm zimóm jyno tyn strómek na rynku nóm jóm przipómino"Jak pokroczymy kapke dalij to to trefiymy na taki kszeft z czornóm oblyczkóm". fot. FJD Dzisio Wóm zaś poczytóm po naszymu opowiadanie "Dziwy na gróniach", Adama Wawrosza z książki "Z naszej nolepy". fot. Maciej Kłek być zawsze do prawjynio gotowo a jak cie uż żodyn nie bydze rozumioł to jyny wiater bydzie po naszymu szumioł" Latoś fórt mómy jakosi z tóm zimóm na bakier bo łóna ni może zaskoczyć. Roz kapke posuje śniegym a potym to wartko staje bo isto sie mu cosi w tym Cieszynie nie podobo. Śniyg je bieluśki a cesty zmazane i isto skyrs tego se to rozmyślił. Zresztóm tyn panoczek abo paniczka co majóm tyn sklep ze skijami też sie za zimóm nie przimowiajóm bo za auslagóm majóm na plakatach chłopów na kołach. Isto uż se to rozwożyli, że tej porzóndnej zimy latoś nie bydzie i lepszyj je ludzi namowiać do kupowanio rowerów. Wystyrczyli aji na schódki taki małe koło do dziecek to uż tuplowanie isto ze zimóm sie rozeszli. Jak pokroczymy kapke dalij to trefiymy na taki kszeft z czornóm oblyczkóm. Napisane majóm za auslagóm, że go zawiyrajóm i tak se rozważujym, że rachowali na klijyntów co bydóm chodzić na pogrzeby a tu ludzie zaczyli delij żyć i kszeft trzeja zawrzić. Miało to dłógi życi prziś dziepjyro za dwacet roków jak baby bydóm robić do 67 a tu mosz w Cieszynie uż sie nóm to podarziło. Z tego sie jyno trzeja radować bo przeca życi każdego z nas to je cosi nejfajniejszego i trzeja go fórt opatrować jak sie jyno dłógo do. A teraz zać fajny wic: Jónek pyto sie nauczyciel we szkole - Co mómy z gynsi? - Z gynsi mómy dobre miynso. - Dobre a co eszcze? - Z gynsi mómy dobry fet. - Dobre ale nie mówi sie fet jyno tłuszcz... Ale co eszcze mómy z gynsi? Nó nie wiysz? Co mocie dóma w łóżkach? - Błechy panie nauczycielu. Mjyjcie sie wszedcy dobrze i wiesiołego popióntku. Dzisio Wóm zaś poczytóm po naszymu opowiadanie "Dziwy na gróniach", Adama Wawrosza z książki "Z naszej nolepy".
|
reklama
|
Dodaj komentarz