CO TYDZIYŃ PO NASZYMU: Dzisio ze zmazanóm wodóm ludzie majóm moc łostudybyć zawsze do prawjynio gotowo a jak cie uż żodyn nie bydzie rozumioł to jyny wiater bydzie po naszymu szumioł" POZÓR! Kiery nimo chynci tego czytać, abo kansi wraził łokulory, abo mo moc roboty i łoczy go bolóm to se może tego posłóchać jak prziciśnie ”kursywom” na tóm czornóm szczałke w tej szarej kostce, kierom nóndzie zaroz pod spodkym. Czas fórt mómy doś piekny i szpacyrować idzie po Frysztacki suchóm nogóm. Bydzie jednakowóż s tym kapke łostudy, bo treuar sie nóm skóńczył i trzeja bydzie wylyś na ceste. Jakisi móndrok prziszrubowoł na zieleźnej rułce wedla przikopy łokróngłóm tabulkem s kierej idzie sie dowiedzieć, że aji na kole trzeja bydzie dalij jechać po ceście. Nima rady i trzeja sie bydzie szmatłać ganc wedla autów, kiere gzujóm po ceście. Przed sztrekóm, kiero idzie przez ceste po prawo je chałupa w kierej idzie se kupić miodu prosto s ula. Ganc isto s ula sie to nie do, bo łon je zmazany łod rozmajtego pszczeligo marasu, ale uż taki łodwirowany to isto ja. Coby jednakowóż prziś na to, że je tam do przedanio miód trzeja iś pieszo, bo tabulka, kiero to zachwolo je patnos razy miynszo łod tej, kiero wisi na tym samym płocie i zachwolo ELDOM. Jak przyndymy przez sztreke to na skryncie trefiymy na piyńć rozmajtych chwolideł. Każde je łod inkszego “żyda” i nijako łóne sie majóm ku sobie, bo tabula s kuminiorzym nie pasuje do tej s łoknami, a taile do szyfónerów nie pasujóm do rzazanio drzewa. Żodyn sie tym nie przejmuje, bo rozchdzi sie fórt ło to, coby tusteloków naganiać go jejich kszeftów i nie musi nic pasowć do kupy. Po prawo ledwie widać s poza tych strzybnych ruł rozmajte chałupy i inksze gesztele kiere Cieszyniokóm pucujóm zmazanóm wodem. Jako to robióm tego nie wiym, ale isto sie im to jakosi darzi, bo woda w Olzie za Cieszynem je przeźroczysto. Podziwejcie sie ludzie jako tyn świat sie wartko zmiynio i to co kiejsi było dobre do podlywanio zielyniny dzisio je pucowane, a po tym na zogóny suje sie jakisi bioły prószek. Mini słownik: Miyjcie sie wszedcy dobrze i wiesiołego popióntku! Dzisiejszy tekst ma tytuł "Pucujóm zmazanóm wodem".
|
reklama
|
Dodaj komentarz