CO TYDZIYŃ PO NASZYMU: Dzisio wszecko góni w lufcie, aji rzecz do radija

”...w 1906 roku stoł tam na miedzy cysorz...”

”...nie stoła tam żodno ślusarnia...”

POZÓR! Kiery nimo chynci tego czytać, abo kansi wraził łokulory, abo mo moc roboty i łoczy go bolóm to se może tego posłóchać jak prziciśnie ”kursywom” na tóm czornóm szczałke w tej szarej kostce, kierom nóndzie zaroz pod spodkym.

S tymi zwónami wedla tego kościoła na Mnisztwie to nima taki ganc ańfachowe jako żech łostatnio pisoł, bo jedyn Mnisztwianin mi wyzdradził jako to naprowde funguje. Żodyn tam za porwóz nie szarpie coby ty zwóny rozhuśtać, ale łóni se fundli taki patynt, kiery funguje na czas europejski. Sygnał tego czasu przilatuje w lufcie aże kansi ze Frankfurtu i dziubnie to szpecyjalnego szaltra. Majóm to tak wyszpekulyrowane, że dziynnie o dwanostej samo sie to zaszaltruje i zwóny sie odezwióm, coby ci co eszcze ni majóm dóma godzin wiedzieli, że uż je połednie.Tak samo je s tym kamiynnym murkym na kierym je prziszrubowano tabulka aże s 1918 roku, bo plac na kierym łon zustoł postawióny pamiynto cysorza Franca Jozefa. Mnisztwianie wiedzom, że w 1906 roku stoł tam na miedzy austriacki cysorz i dziwoł sie na wojoków, kierzi na becyrku gónili s flintami. W Cieszynie kiejsi przeca była austryjacko kasarna w kierej było pełno wojoków przyrychtowanych na każdóm wojne. Dłógo przeca nie musieli czakać, bo uż w 1914 roku przegnani zustali s tego becyrku aże kansi do świata, coby mógli wyprugować swoji gwery na prowdziwych wojokach z za Buga. Isto w tamtych czasach nie stoła też tam żodno ślusarnia za tym kamiynnym obeliskym na kierom żech dzisio trefił, bo żodnymu isto eszcze przed piyrszom wojnóm światowóm sie nie śniło o szwajsowaniu zielaza. Ludziska też kiejsi nie rozmyślali o przesuwanych dwiyrzach, kiere łóni reklamujóm, bo każdy wszecki bramki wieszoł na bantach.

Mini słownik:

Miyjcie sie wszedcy dobrze i wiesiołego popióntku!

Dzisiejszy tekst ma tytuł "Przilatuje w lufcie".