, niedziela 16 grudnia 2018
CO TYDZIYŃ PO NASZYMU: Dzisio uż sie na sztamperle nie pije, bo whisky je modernie pić s lodym
Mianowoł sie ”Tempo” fot: FJD



Dodaj do Facebook

CO TYDZIYŃ PO NASZYMU: Dzisio uż sie na sztamperle nie pije, bo whisky je modernie pić s lodym

FJD
CO TYDZIYŃ PO NASZYMU: Dzisio uż sie na sztamperle nie pije, bo whisky je modernie pić s lodym

...tako akcoseryja...


CO TYDZIYŃ PO NASZYMU: Dzisio uż sie na sztamperle nie pije, bo whisky je modernie pić s lodym

...że mówi angieszczynóm...

Szpacyrkym po Cieszynie
“Gdo sie za swój jynzyk wstydzi takim niech sie każdy brzidzi”

"Moja ty słodko cieszyńsko mowo
być zawsze do prawjynio gotowo
a jak cie uż żodyn nie bydzie rozumioł
to jyny wiater bydzie po naszymu szumioł"

POZÓR! Kiery nimo chynci tego czytać, abo kansi wraził łokulory, abo mo moc roboty i łoczy go bolóm to se może tego posłóchać jak prziciśnie ”kursywom” na tóm czornóm szczałke w tej szarej kostce, kierom nóndzie zaroz pod spodkym.

Mianowoł sie”Tempo”

Na tej uice Tyatralnej za tymi zawrzitymi haźlami idzie trefić na bar kiery nimo żodnego miana. Tustelocy prawióm, że je to młodszy brat łod takigo baru, kiery dłógo za socjalizmu w naszym mieście egzystowoł i mianowoł sie “Tempo”. Taki miano to pasuje dlo każdej putyki, bo moc je takich chłopów co pijóm na tympa, coby prziś po robocie do chałupy eszcze za dnia i łod swoji paniczki nie dostać czymsi ciynżkim po czepani. Na prociw kierysi wziył sie za uczyni tusteloków angielszczyny i możne aji ci chłopi co wylezóm s tego baru tam ło nich zachoczóm. Gdo wiy czy taki chłop po poru sztamperlach sóm łod siebie nie zacznie mówić po angielsku, abo chocioż tak bydzie szmatlawie gymbe otwiyroł, że kamraci bydóm se wszymać, że mówi angielszczynóm. Kapke dalij je kszeft dlo tych co nie poradzom żyć bez psa, abo kocura. Piszóm tam ło jakisikej akcesoryjach, bez kierych dzisio psa ani kucura nie idzie dzierżeć dóma. Kiejsi żodyn ło to ni mioł starości, bo kocurów nie dzierżeli dóma. Łod tego były dachy na kierych kocury sie kociły, a nieskorził po nich skokały i góniły. Psów też mało gdo dzierżoł dóma, bo wszedcy chodzili do roboty i takigo psa ni mioł gdo wykludzać do pola za potrzebóm. Psy ludziska dzierżeli na dziedzinach prziwiónzanych przi budzie, coby yno szczekały na cudzych, abo na poczciorza. A dzisio podziwejcie sie, idzie trefić na ceście na tusteloków co aji dwa psy kludzóm. S kocurami isto je ganc tak samo, bo takigo mruczka nie trzeja wykludzać do pola skyrs tego, że je tako akcesoryja co sie kuwetym mianuje i kocur wiy, że je to jego haziel i do pola nie trzeja go wykludzać.

Mini słownik:
haziel-toaleta,
mianowoł-nazywał,
putyka-mordownia,
czepań- głowa,
wylezóm –wyjdą,
sztamperla- kieliszek,
szmatlawie-niewyraźnie,
kszeft-sklep,
dzierżeć-trzymać,
nieskorzij-potem,
poczciorz-listonosz,
wykludzać-wyprowadzać,
cesta-droga,
skyrs- z powodu

Tóż miyjcie sie wszedcy dobrze i wiesiołego popióntku

Komentarze: (3)    Zobacz opinię czytelników (0)    Dodaj opinie
Redakcja nie ponosi odpowiedzialności za treść komentarzy pozostawionych przez internautów. Komentarz dodany przez zarejestrowanego użytkownika pojawi się na stronie natychmiast po dodaniu. Anonimowy komentarz zostanie opublikowany z opóźnieniem, po jego akceptacji przez redakcję. Komentarze niezgodne z regulaminem będą usuwane.

Nó ja, tak je to s tymi naszymi zwiyrzokami. Nie było to w Cieszynie, uż se nie pamiyntóm kaj, ale widziołżech babe, co kludziła po mieście na szpagacie małego babucia. Ni na szlachte, ale na szpacyr. Przeciw gustóm ni ma dyskusyje, ale jo se nie umiym przedstawić, kaj tóm świnie dzerżóm w kwartyrze, a co sie stanie, jak jóm na tyn szpacyr nie starczóm na czas wykludzić. Wtedy dóma musi być echtowny chlywek, ni?
A s tym angielskim, to mocie prowde, panie Dral. Pore głymbszych rozwiónzuje jynzyk aji takimu, co ło suchej gymbie wyglóndo, jak by go ani ni mioł.

"... tam ło nich zachoczóm." - przez ch ?!!!

S tym „ch“ bych se nie robił ciynżkóm głowe. Morcinek w „Czarnej Julce“ pisze ło żywczanowi, co miyszkoł w Karwine a strasznie mazurził, a koledzy go fórt poprawiali, że sie nie mówi Zywiec ale Żywiec, ale nic to nie pumogało. My na lewej strónie łOlzy też mieli we szkole takigo, co mioł mame z Polski i nadowoł nóm w piyrszej klasie „ty haharze jedyn“ a w drugi jeszcze gorzi, to se już ani nie do napisać, tak czy łónak też tam boło „h“ zamiast „ch“.
Było to jeszcze za socjalizmu a na przerwach nóm warzili za darmo herbate – tóż łón jedyn dostowoł cherbatke. Głównie, że my jedyn drugimu rozumieli.

Dodaj komentarz

Zawartość pola nie będzie udostępniana publicznie.
  • Adresy internetowe są automatycznie zamieniane w odnośniki, które można kliknąć.
  • Dozwolone znaczniki HTML: <em> <strong> <cite> <code> <ul> <ol> <li> <dl> <dt> <dd>
  • Znaki końca linii i akapitu dodawane są automatycznie.

Więcej informacji na temat formatowania

Image CAPTCHA
Wpisz znaki widoczne na obrazku.
reklama
reklama