CO TYDZIYŃ PO NASZYMU: Dycki sie wszeckim zdo, że każdy nowy rok bydzie lepszy
być zawsze do prawjynio gotowo a jak cie uż żodyn nie bydzie rozumioł to jyny wiater bydzie po naszymu szumioł" Strzelić fotkemJak by sie gdo pytoł, to uż mómy Nowy 2021 Rok, czy kómu sie to podobo czy ni. Dycki wszeckim sie zdowo, że jak uż łón przidzie, a mómy tak każdego roku, to zaroz na drugi dziyń wszecko bydzie insze i lepsze. A tu mocie: maras i małe plosa s wodóm na Głymboki jak były taki sóm, jak rozbebeszóno była sztreka wedla banhofu tak w nowym roku też je i jak stoł na rynku świónteczny strómek, tak też tam stoji dalij. Dziw mie yno dycki taki biere, że wszedcy kierzi na niego czakajóm, doczkać sie go ni mogom, chocioż s dnia na dziyń sóm zaś ło rok starsi. Tak to uż je s ludziami, że starzicy dycki se w tym czasie spóminajóm, jako to bylo fajnie jak byli klukami i pytajóm boga coby wróciły chocioż na chwliczkem ty downe czasy. Zaś młodziocy rzykajóm coby kierysi przidoł im roków, kiere potrzebujóm jak dejmy na to chcóm se kupić cygaretli, abo kwitu. Tak to uż mómy na tym świecie, że sie eszcze taki nie narodził coby wszeckim dogodził. Je eszcze też dycki kapke nadzieji, że podarzi sie cosi inakszyj zrobić, abo zaczniónom robotem latoś skóńczyć. Jo takóm też móm, że roz dwa podarzi sie miastowym urzyndnikóm skóńczyć kopać tóm zaczniónóm dziure pod nowóm studnie Trzóch Braci. Mało gdo isto s tusteloków wiy, że uż miesiónc tymu zacznyli kopać wedla tej starej studni nowóm, bo isto jakisi rożdżkorz na wodem tam trefił. I prziszła zaś nadzieja na to, że latoś w tej naszej zabytkowej studni bydzie ciyngym ciurczała woda, a letnikorze i lufciorze kierzi nas nawszczywióm, bydóm se przi ni mógli strzelić fotkem. Mini słownik gwary cieszyńskiej:dycki - ciągle, insze - inne, maras - błoto, małe ploso - kałuża, rozbebeszóno - rozwalona, sztreka - tory, wedla - obok, bnhof - dworzec, strómek - drzewko, starzicy - dziadkowie, kluk - mały chłopiec, rzykajóm - modlą się, cygaretle - papierosy, kwit - wódka, kapke - trochę, podarzi się - uda się, latoś - w tym roku, ciurczeć - wolno kapać, lufciorz - turysta, letnikorz - wczasowicz, nawszczywa - wizyta, strzelić fotkem - zrobić zdjęcie. Tóż miyjcie sie wszedcy dobrze i wiesiołego popióntku.
|
reklama
|
Dodaj komentarz