CO TYDZIYŃ PO NASZYMU: Dycki je dobrze spóminać historyje ludzi tu stela ...wedla jego chałupy szpacyrowoł...  ...kszeft s bótkami... być zawsze do prawjynio gotowo a jak cie uż żodyn nie bydzie rozumioł to jyny wiater bydzie po naszymu szumioł" Przi tym szpacyrowaniu po Cieszynie trzeja też nikiedy dać se pozór i dźwignóć łoczy do góry. Tak żech też zrobił, coby sie podziwać na te chałupe w kierej sie rodził nasz zasłóżóny Cieszyniok Jerzy Trzanowski. Coby ło nim żodyn nie przepómniół i dycki jak bydzie gdo wedla jego chałupy szpacyrowoł, to uwidzi prziszrubowanóm biołóm teblicem w sztyrasta setnóm rocznicem jego narodzynio. Na ni idzie poczytać gdo to był i skyrs czymu patrziło by sie dobrze go spóminać. Gorzij jednakowóż ta chałupa dzisio wyglóndo na winklu, kaj pod wielkim zielónym szyldym wisi pynto wszelijakich drótów i kabli. Możne, że je to jakosi szpecyjalno insztalacyja kiero skuplowano je s wszeckimi bankomatami na świecie i możne aji w Australiji u nich pudzie naciś piniyndzy do swoji szrajtofli. Jedno je jednakowóż pewne, że to pynto drótów wisi uż tam dłógi roki i żodnymu isto łóno nie zawadzo, a zdało by sie, że ty dróty na zicher by uż downo miały skrymbieć. Kapke to je gańba, że tego nie widzóm łojcowie miasta i nie kożóm tego skludzić elektrykorzóm, coby to nie bełkło i nie dej boże cało chałupa nie zgorała. Na prociw jak przeszpacyrujymy przez Stary Targ trefiymy na kszeft s bótkami w kierym downij uż egzystowało moc inkszych kszeftów, a piyrszy ś nich to był kszeft s rozmajtóm oblyczkóm. Nejgorzij dzisio majóm rozmajte cieszyński emigranty kierym roz za kiedy udo sie nawszczywić stare kónty i potym nie wiedzóm kaj sóm, bo uż yno lecy kany eszcze egzystujóm stare kszefty. Siednóć przi piwie uż sie dzisio nie do ani “Pod Jelynim” ani w “Cyntralce” ani w “Zamkowej” ani w”Targowej” ani i u “Filutka”, a lodów zjeś u Ondrzejka, a kawy napić sie w Basztowej. Mini słownik: Tóż miyjcie sie wszedcy dobrze i wiesiołego popióntku
|
reklama
|
|||||||||||||||
|
Dodaj komentarz