, piątek 29 marca 2024
CO TYDZIYŃ PO NASZYMU: Dlo szłapów to ni ma nic dobrego, szmatłać sie po cestach w bótkach na wielkich krónflekach
Czeski jarmilki fot: FJD



Dodaj do Facebook

CO TYDZIYŃ PO NASZYMU: Dlo szłapów to ni ma nic dobrego, szmatłać sie po cestach w bótkach na wielkich krónflekach

FJD
CO TYDZIYŃ PO NASZYMU: Dlo szłapów to ni ma nic dobrego, szmatłać sie po cestach w bótkach na wielkich krónflekach

...kónfekcyja babska...


CO TYDZIYŃ PO NASZYMU: Dlo szłapów to ni ma nic dobrego, szmatłać sie po cestach w bótkach na wielkich krónflekach

...majóm swojóm organizacyje...

Szpacyrkym po Cieszynie
“Gdo sie za swój jynzyk wsydzi takim niech sie każdy brzidzi”

"Moja ty słodko cieszyńsko mowo
być zawsze do prawjynio gotowo
a jak cie uż żodyn nie bydzie rozumioł
to jyny wiater bydzie po naszymu szumioł"
POZÓR! Kiery nimo chynci tego czytać, abo kansi wraził łokulory, abo mo moc roboty i łoczy go bolóm to se może tego posłóchać jak prziciśnie ”kursywom” na tóm czornóm szczałke w tej szarej kostce, kierom nóndzie zaroz pod spodkym.

Czeski jarmilki

Pod nomerym dziesiyńć na Starym Targu idzie trefić na czeski jarmilki. Powiym wóm, że jo do dzisia nie wiedzioł co to je, bo przeca żodyn chłop takigo dziwactwa na nogi nie obuwo. Ale teraz uż wiym, że sóm to taki szmaciane bótki bez krómfleka, kiere obuwajóm paniczki jak uż klepeta majóm łod szpilek powykróncane do pola. Taki mjynsze nomera sóm dlo dziecek, kiere w nich gónióm po polu i dziynka tymu, że to ni mo krómfleka to ło nic nie zakopnóm. Na tabuli kiero tam u nich wisi wedla futer idzie poczytać, że eszcze dostaniecie u nich piyńć inszych sortów bótków. Kónsek dalij je zaś kófekcyja babsko, kierej w Cieszynie je tela, że czasym rozmyśłóm czy uż wszedcy chłopi s naszego miasta uciykli i czy eszcze kiery sie szmatle po cestach. We dwiyrzach kapke dalij starki i starziki majóm swojóm organizacyje, kiero pumogo wszeckim, kierym udało sie dożyć do pyndzyji. Ni ma to jednakowóż taki jasne, bo sóm eszcze insi w naszym mieście, kierzi też pumogajóm ludzóm na pyndzyji i mianujóm sie Radą Seniorów. I być tu człowieku móndry do kierych lepszyj by było sie uśmiychać, bo nie wiadómo do kóńca s kierych starziki majom wiynkszy profit. Ale to ni ma wszecko, bo dlo takich co eszcze sami poradzóm sie szmatłać po cestach i dóndóm bez kryki do unwersyteta to mógóm se siednóć tam u nich w ławkach i posłóchać rozmajtych móndrych rechtorów. Nejgorzij jak człowiek mo miszung w czepani i nie wiy kaj skoczyć, a eszcze ku tymu ni mo sie kogo spytać jako by to zrobić, coby być s inszymi kamratami w kupie.

Mini słownik:
jarmilki-tenisówki,
obuwo-wkłada,
krómflek-obcas,
klepeta-nogi,
do pola-na zewnątrz,
wedla-obok,
futra-ościeżnice,
kónsek-kawałek,
szmatle-pląta się,
cesta-droga,
pyndzyj-emerytura,
starziki-dziadkowie,
kryka-laska,
czepań-głowa,
kaj-gdzie,
kamrat-kolega.

Tóż miyjcie sie wszedcy dbrze i wiesiołego popióntku

Komentarze: (0)    Zobacz opinię czytelników (0)    Dodaj opinie
Redakcja nie ponosi odpowiedzialności za treść komentarzy pozostawionych przez internautów. Komentarz dodany przez zarejestrowanego użytkownika pojawi się na stronie natychmiast po dodaniu. Anonimowy komentarz zostanie opublikowany z opóźnieniem, po jego akceptacji przez redakcję. Komentarze niezgodne z regulaminem będą usuwane.

Dodaj komentarz

Zawartość pola nie będzie udostępniana publicznie.
  • Adresy internetowe są automatycznie zamieniane w odnośniki, które można kliknąć.
  • Dozwolone znaczniki HTML: <em> <strong> <cite> <code> <ul> <ol> <li> <dl> <dt> <dd>
  • Znaki końca linii i akapitu dodawane są automatycznie.

Więcej informacji na temat formatowania

Image CAPTCHA
Wpisz znaki widoczne na obrazku.
reklama
reklama