CO TYDZIYŃ PO NASZYMU: Depo na dziedzinie to je przidajno wiec”...w niekierych łoknach wiszóm forchangi...”. fot. FJD "...stoji łogrodzóny płotkym doś wielki granitowy krziż...". fot. FJD być zawsze do prawjynio gotowo a jak cie uż żodyn nie bydzie rozumioł to jyny wiater bydzie po naszymu szumioł" POZÓR! Kiery nimo chynci tego czytać, abo kansi wraził łokulory, abo mo moc roboty i łoczy go bolóm to se może tego posłóchać jak prziciśnie ”kursywom” na tóm czornóm szczałke w tej szarej kostce, kierom nóndzie zaroz pod spodkym. Dzisio uż isto dóndymy do Pogwizdowa i trzeja sie bydzie zwyrtnóć spadki ku Cieszynu. Ale eszcze przed tym cosi przeca połoglóndómy. Jako piyrsze na łoczy ciepło mi sie Marklowicki depo, kiere na takóm małóm dziedzine je strasznie wielki. Nie wiym co tam je w postrzodku, ale za tymi dwóma wielkimi dwiyrzami stojóm isto dwa przirychtowane fajermóński auta s sikowkami. To depo mo też szykowne piynterko na kierym ze stróny cety je piyńć łokiyn. W niekierych wiszóm forchangi i wyglóndo na to, że tam kierysi miyszko, abo ty izby sóm przirychtowane na jakisi hałdamasze. Grónd wedla tego depa je porzóndnym płotym łogrodzóny i łóni isto tak szpekulyrujóm, że jakby tego nie łogrodzili to na rok uż by ni mieli na czym siedzieć. Złómiorzi moc sie plyncie po cestach i tym zieleźnym rułkóm, kiere tam sóm wbite do ziymi na iste by też dali rade. Tak czy inakszyj widać, że dbajóm ło to co sami kiejsi wystawili i trzeja ich za to pochwolić. Kapke dalij na krziżowadce stoji łogrodzóny płotkym doś wielki granitowy krziż. Gdo i kiery go tam postawił i w jaki intencyji nic nie pisze, ale za to je czornóm farbóm namolowane, że w 1993 uż tam stoł. Na tym krziżu je napisane, że gdosi co go tam postawił mioł ekumenizm w czepani, bo je tam tako pytka do Boga, coby błogosławił wszeckim. Zaroz idzie sie skapować, że idymy przez takóm dziedzine w kierej mieyszkajóm tustelocy s rozmajtych kościołów. Je to bardzo piekne i dobre by było,coby na każdej dziedzinie był taki zwyk i na krziżach była tako samo pytka do Boga. Na iste tystelocy przestali by sie ze sobóm wadzić i tak jak było kiejsi sómsiod sómsiodowi by we wszeckim pumogoł. Mini słownik: Miyjcie sie wszedcy dobrze i wiesiołego popióntku! Dzisiejszy tekst ma tytuł "Pytka do Boga".
|
reklama
|
Dodaj komentarz