CO TYDZIYŃ PO NASZYMU: Czakali my dłogo ale kiery sie zapisoł to kwartyr dostoł "...stoji tako doś wielko kostkato chałupa...". fot. FJD  "... najyli to rozmajtym szewcóm,zdjyńciorzóm i asekurantóm...". fot. FJD  Dzisio Wóm zaś poczytóm po naszymu opowiadanie “O tym “erzac”Wiydniu" Henryka Jasiczka, z książki "Humoreski Beskidzkie". fot. FJD Redakcja portalu www.gazetacodzienna.pl nawiąże współpracę z miłośnikami naszej pięknej, cieszyńskiej gwary, którzy podjęliby się współtworzenia "Kącika gwarowego" poprzez pisanie gwarą krótkich opowiadań o swoich miejscowościach. Mogą one przybrać formę wspomnień lub aktualnych spostrzeżeń na temat swojej "małej ojczyzny". Przesłane opowiadania mogą zapoczątkować cykle: "Szpacyrek po..." Skoczowie, Strumieniu, Goleszowie lub innej cieszyńskiej miejscowości. Chętnych prosimy o kontakt telefoniczny lub mailowy. Tel. 602-571-636 lub redakcja@gazetacodzienna.pl cd. słownika: bancwoł/byncwoł - człowiek nierozgarnięty banda - grupa ludzi być zawsze do prawjynio gotowo a jak cie uż żodyn nie bydze rozumioł to jyny wiater bydzie po naszymu szumioł" Kapke odtajało i mogymy iś na dół Korfantego kole tej pieknie opucowanej ściany na chałupie co sie “Pogodna Jesiyń" nazywo. Nie wiym czy je to na iste tako pogodno jesiyń dlo ludzi co zustali na świecie sami i to eszcze jak majóm jakómsi chybe na zdrowiu. Moc też je takich starzików co majóm dziecka, kiere kansi we świecie udowajóm, że tatowie uż sie pominyli i ni majóm s tym żodnej ostudy. Taki mómy dzisio czasy, że młodziocy nie stojóm za ojcami i jakosi do czepani im nie wlazuje, że kiejsi też jak bydóm starzi to kierysi bydzie ich musioł opatrować. Konsek dalij je taki zalonkniyńci w kierym stoji tako doś wielko kostkato chałupa kieróm kiejsi ochrzcili spółdzielnióm i tak uż do dzisia zustało. Kiejsi tam we wszeckich biurach rozmajci marziciele głowili sie kaj i jakóm by tu eszcze chałupe w Cieszynie wystawić. Dzisio najyli to rozmajtym szewcóm, zdjynciorzóm i asekurantom coby chociż mieć na wypłate dlo tego pieknie obleczónego wachtyrza co fórt wystowo i kurzi przed głównymi dwiyrzami. Teraz to je tako moda, że wszecki urzyndy muszóm mieć wachyrzi, kierzi odganiajóm ludzi coby nie szterowali jejich urzyndników przi parzyniu kawy. Dziw jyny je taki, że tyn pieknie obleczóny panoczek w krawatce fórt soji przi tych samych dwiyrzach i do tego jyno na dopołedniowej szychcie. Ni mogym jyno prziś na to,że tego prziszywanego Cieszynioka co dwacet roków tymu rzóndził Cieszynym nie ponukło, coby też jak likwidowoł wszecki fabryki zduchnył tóm instytucyje co przestała stawiać chałupy. Dzisio ludziska mieli by pokuj, bo jejimi kwartyrami żodyn by nie rzóndził a w kapsach zustało by im moc wiyncyj piniyndzy. Jesi bydziecie mieć przylerzytość dejmy na to na wiosne abo w lecie sie tam przynś to treficie tam eszcze na takóm małom rajczule/posiónek na kierym zasiote sóm pokrziwy - isto dlo tych Cieszynioków, kierzi se tam zdarma mogóm lyczyć rewme. A teraz zaś fajny wic: - Jónek wiela je teraz godzin na cyferblacie? - Za sztwierć godziny bydzie sztyry. - Ty trómbo jo nie chcym wiedzieć kiela bydzie za sztwierć godziny, jyno chcym wiedzieć wiela je teraz. Mjyjcie sie wszedcy dobrze i wiesiolego popióntku. Dzisio Wóm zaś poczytóm po naszymu opowiadanie “O tym “erzac”Wiydniu" Henryka Jasiczka, z książki "Humoreski Beskidzkie".
|
reklama
|
|||||||||||||||
|
Tak to je fajne, panowie, że po roku a trzóch miesióncach to tu kapke zajiskrziło. Prowde mocie łobo dwo a jak mi nie wierzicie, tak sie ciepnicie do gugla zafrico gwara pl a Tómek Sochacki wóm to tam pieknie wyłośli. Jo sie zaś tam literówek nie czepióm (za Łolzóm by powiedzeli do przeklepów nie wyrywóm), bo jich sóm robiym wiela. S tymi dziedzinami i mnogościóm to je świynto prodwa. Łu Dziołchy stela sie mówi funsok a łu mnie wónsok. Kodyfikacyje ni mómy (za Łolzóm by napisali nimómy) a tak nic sie nie do robić, każdy muszymy bulczeć, jako łumiymy. Grunt, że sie rozumiymy. Tóż pyrsk.
Nie chodzi o słóweczka, ale o styl pisania i ortografie. Lepszy nie pisać, jako źle pisać, bo sie robi jyny gańbe. A nie że sie zamiast miarkowanio a prziznanio do błyndów naskakuje na tych, co se pozwolóm za nie oherdeszyć. Moja lyniwość twojóm gupote nie usprawiedliwio. A na ostatek - autorym słownika je Milerski.
Może na tej rajczuli bydzie eszcze miejsce na pasieke albo chocioż jedyn ul pelniuśki pszczółek? Óne bezmała umióm roz,dwa funsok wylyczyć. To by była dycki sumeryja jak ,by sie o tym Szwoby dowiedziały. Isto latoś, by po swoji prziszli ! A my Polocy zaś by my musieli oddać po dobroci albo by my mieli trzecióm wojne światowóm.To by uż nie była granda ...
Wachtyrz, to je tyn bjydny prezes, co mu w biurze nie pozwolóm kurzić.
Poprawiaczy sie zawsze znóndzie moc ale by tak kiery sóm od siebie napisoł to ni.Jo sie dzisio swoji starki pyto jako sie to prawi a łona na to,że w każdej dziedinie inakszyj.We słowniku gwarowym Władysława Mizerskigo je hasło "Zostawić coś/kogoś w spokoju to -"pokój,dać pokój,pokuj"- Ale jo też je czasym taki móndry ale napisać mi sie też nie chce.Bo to zawsze je lepszyj poczytać niż pisać.
A teraz sie prziznej, wiela razy żeś to po sobie przeczytoł.
na tym zdjynciu, to widzicie, że nie pomalowali tej ściany,od parkingu...a czymu, to jo nie wiym...
zdo mie sie, że pokój to mo być tak napisane...
Dodaj komentarz