, piątek 29 marca 2024
CO TYDZIYŃ PO NASZYMU: Chybe na zdrowiu idzie aji wodóm wylyczyć
"...Wystawił do kszeftowanio dwupiyntrowóm chałupe". fot: FJD



Dodaj do Facebook

CO TYDZIYŃ PO NASZYMU: Chybe na zdrowiu idzie aji wodóm wylyczyć

F.J. DRAL
CO TYDZIYŃ PO NASZYMU: Chybe na zdrowiu idzie aji wodóm wylyczyć

”...na tabulce pisze Sarkander...”. fot. FJD


CO TYDZIYŃ PO NASZYMU: Chybe na zdrowiu idzie aji wodóm wylyczyć

"Zaroz za odboczynim na Przepilińskigo...". fot. FJD

"Gdo sie za swój jynzyk wstydzi takim niech sie każdy brzidzi" .

SZPACYRKYM PO CIESZYNIE

"Moja ty słodko cieszyńsko mowo
być zawsze do prawjynio gotowo
a jak cie uż żodyn nie bydzie rozumioł
to jyny wiater bydzie po naszymu szumioł"

Nejdelij mioł pokuj

S tym potokym co żech łostatnio ło nim pisoł to nima to taki ganc ańfachowe, bo na tabulce pisze Sarkander a na mapie Sakandrowiec. Tak czy inaczyj ludzie kierzi miyszkajóm w postrzodku miyndzy Pikietami a Bobrkym, kaj je źródło tego potoka isto se nie wszymli jak mogóm na jego wodzie cosi utarżyć. Przeca nima takigo drugigo potoka w Polsce, kiery mo miano łod jakigosi świyntego i aż dziw biere, że tacy szprytni i wraźni Cieszyniocy nie prziszli na to. Trzeja wartko te wode ś niego dać zbadać, bo możne, że wszecki boleści i chyby ludzki notury poradzi wylyczyć i trzeja bydzie tym padym szpitol w Cieszynie zawrzić. Jesi kiejsi do tego dóndzie to eszcze moc wody w tym potóczku sie przetoczy, ale nie bydzie to wadziło przi szpacyrowaniu po Cieszynie. Zaroz za odboczynim na Przepilińskigo kierysi ze dwa, abo trzi roki tymu wystawił do krzeftowanio dwupiyntrowóm chałupe. Nie bardzo sie mu to podarziło, co widać to na tych płachtach, kiere na łoknach piyrszego piyntra sóm rozcióngnióne. Wyglóndo na to, że tak na łoko isto w połówce tych kamerlików wiater gwizdo i fórt rzyko, coby żodyn sie mu tam wartko nie przikludził i jak nejdelij mioł pokuj. S tego na co prugujóm rosmajci kszefciorze ludzi namowiać widać, że wielkigo interesu tam nima i za chwilem aji isto to pozawjyrajóm. Przeca zawsze kszefty sie tak otwiyro, coby jedne s drygimi kapke jakosi do kupy pasowały. Bo dejmy na to jak kiery kupi se bótki to wedla we dwiyrzach chciołby chocioż obezdrzić fusekle jaki bydóm do nich pasowały. A tam w jednych dwiyrzach trefjymy na jakisi dochtorski wieca, a wedla je do kupiynio wórszt i miynso aże aż skónsi s Istebnego. Czy je to rozum robić taki misz masz?

Mini słownik:

  • ganc - całkiem,
  • ańfachowe - zwyczajne,
  • kaj - gdzie,
  • wszymli - pojęli,
  • utarżyć - zarobić,
  • chyba - wada,
  • tym padym - w związku z tym,
  • nejdelij - najdłużej
  • wystawił - wybudował,
  • kszeftowanie - handlowanie,
  • kamerlik - pomieszczenie,
  • rzyko - modli się,
  • kszeft - sklep/interes,
  • kapke - trochę,
  • wieca - rzeczy,
  • wórszt - kiełbasa,
  • skónsi - skąd,
  • trefić - spotkać

    Miyjcie sie wszedcy dobrze i wiesiołego popióntku!

    Dzisiejszy tekst ma tytuł "Nejdelij mioł pokuj".

  • Komentarze: (0)    Zobacz opinię czytelników (0)    Dodaj opinie
    Redakcja nie ponosi odpowiedzialności za treść komentarzy pozostawionych przez internautów. Komentarz dodany przez zarejestrowanego użytkownika pojawi się na stronie natychmiast po dodaniu. Anonimowy komentarz zostanie opublikowany z opóźnieniem, po jego akceptacji przez redakcję. Komentarze niezgodne z regulaminem będą usuwane.

    Dodaj komentarz

    Zawartość pola nie będzie udostępniana publicznie.
    • Adresy internetowe są automatycznie zamieniane w odnośniki, które można kliknąć.
    • Dozwolone znaczniki HTML: <em> <strong> <cite> <code> <ul> <ol> <li> <dl> <dt> <dd>
    • Znaki końca linii i akapitu dodawane są automatycznie.

    Więcej informacji na temat formatowania

    Image CAPTCHA
    Wpisz znaki widoczne na obrazku.
    reklama
    reklama