CO TYDZIYŃ PO NASZYMU: Cesty pocharatane,banhof pozagrodzany, PKS burzóm i jak tu dalij żyć panoczkowie

“...Była tam naszo polsko telekomunikacyjo...” fot. JFD

“...klasztór i szpitol od Sióstr Elżbietanek...” fot. JFD

Dzisio Wóm zaś poczytóm po naszymu opowiadanie ”Powrót z Sylwestra” Henryka Jasiczka z książki Humoreski Beskidzkie. fot. FJD

Redakcja portalu www.gazetacodzienna.pl nawiąże współpracę z miłośnikami naszej pięknej, cieszyńskiej gwary, którzy podjęliby się współtworzenia "Kącika gwarowego" poprzez pisanie gwarą krótkich opowiadań o swoich miejscowościach. Mogą one przybrać formę wspomnień lub aktualnych spostrzeżeń na temat swojej "małej ojczyzny". Przesłane opowiadania mogą zapoczątkować cykle: "Szpacyrek po..." Skoczowie, Strumieniu, Goleszowie lub innej cieszyńskiej miejscowości.

Chętnych prosimy o kontakt telefoniczny lub mailowy. Tel. 602-571-636 lub redakcja@gazetacodzienna.pl

cd. słownika:

bal -piłka skórza
na/tyn bal je za fest nabity luftym/

balandrować -wesoła zabawa/
dzisio bydymy balandrować u Korbasa/

SZPACYRKYM PO CIESZYNIE

“Gdo sie za swój jynzyk wstydzi
takim niech sie każdy brzidzi”

Mómy dwie ostudy

Jako se to wszymajóm ci panoczkowie kierzi siedzóm w ratuszu, że Cieszyniocy zdzierżóm latoś ty dziury i maraz na cestach, łobalóny PKS i zagrodzany banhof, kiery sie obstoł przez dwie wojny a dzisio kómusi zawadzo. Przeca kaj indzij jak sie cosi zacznie to sie to skóńczy a potym sie idzie ku drugi robocie i nie trzeja to moc uczónych coby prziś na to. Jo też nimogym prziś na to, że ludzie zaroz po robocie wszecko poukludzajóm we swoji zogródce ale jak uż siednóm w magistracie to wartko zapómnóm coby tak samo dbać o nasz Cieszyn jako o sojóm chałupe. I teraz mómy dwie ostudy-piyrszo coby nónś plac kaj niechać swoji auto a drugóm jako po tych dziurach ku niymu dojechać. Jo se wszymóm, że jak to łóni poczytajóm to ich zabydzie gańba i możne chocioż tóm Michejdy i Lóndzina wartko zrychtujóm cobych móg po suchu szpacyrować dalij. Szczynśliwie, że Rynek eszcze nima rozgrzebany i mógłech przez niego wartko przepolić, coby iś s kopca kole poczty. Nie wiym czy wiycie, że kiejsi w tym miejscu kaj stoji dzisio poczta mielimy klasztór i szpitol od Sióstr Elżbietanek, kiere uż opatrujóm chorych w naszym mieście przeszło dwiestapińdziesiónt roków. Kapke dalij je teraz kszeft w kierym objednani telefónu kosztuje nas sztwierć godziny a eszcze ni tak downo była tam naszo polsko telekomukacyjo w kierej hańdownij czakało sie na telefón aji dwacet roków. I co powiycie czy lepszyj je mieć bolawe kszefty ale swoji czy cudze, kiere sóm pieknie wyreklamowane ale zarobióne pinióndze wywożóm za granice ? Po drugi strónie też mómy cudzóm reklame łod piwa, kiere przedujóm w jakimsi pubie a ni w gospodzie, bo isto przeca nasze piwo bracki, tyski czy okocimski uż Cieszyniokóm nie szmakuje. Rozmyślóm też nad tym jako to sie podarziło tymu gospodzkimu namówić dyrekcyje Domu Narodowego do tego coby uznała, że chlastani piwa to je kultura.

A teraz zaś fajny wic:
”Witej Zośko! - Jako ci przeszeł Sylwester? - Dobrze jako każdego roku-dóma i w błeszoku. -Ja ? - A co s chłopami też ich było tela w tym błeszoku co łóńskigo roku?”

Mjyjcie sie wszedcy dobrze i wiesiolego popióntku.

Dzisio Wóm zaś poczytóm po naszymu opowiadanie ”Powrót z Sylwestra” Henryka Jasiczka z książki Humoreski Beskidzkie