, niedziela 22 października 2017
CO TYDZIYŃ PO NASZYMU: Całe szczynści, że eszcze sóm tacy co yno rzóndzóm społym bez komórki
Rzóndzić do luftu fot: FJD



Dodaj do Facebook

CO TYDZIYŃ PO NASZYMU: Całe szczynści, że eszcze sóm tacy co yno rzóndzóm społym bez komórki

FJD
CO TYDZIYŃ PO NASZYMU: Całe szczynści, że eszcze sóm tacy co yno rzóndzóm społym bez komórki

...Odrzitóm wnynke..


CO TYDZIYŃ PO NASZYMU: Całe szczynści, że eszcze sóm tacy co yno rzóndzóm społym bez komórki

...nejmjynij dziesiyńć kszeftów...

Szpacyrkym po Cieszynie “Gdo sie za swój jynzyk wstydzi takim niech sie każdy brzidzi”

"Moja ty słodko cieszyńsko mowo
być zawsze do prawjynio gotowo
a jak cie uż żodyn nie bydzie rozumioł
to jyny wiater bydzie po naszymu szumioł"

POZÓR! Kiery nimo chynci tego czytać, abo kansi wraził łokulory, abo mo moc roboty i łoczy go bolóm to se może tego posłóchać jak prziciśnie ”kursywom” na tóm czornóm szczałke w tej szarej kostce, kierom nóndzie zaroz pod spodkym.

Rzóndzić do luftu

Łostatnio była rzecz ło telefónach przez kiere idzie se s każdym porzóndzić, a nie trzeja ku tymu mieć drótów. Mało tego, kierysi zmianowoł tyn telefon komórkóm chocioż u nas lepszyj by pasowało miano szopka, bo do ni też idzie wrazić tak samo moc ździorbów jak i do komórki. To miano ni ma isto łod tego, wiela capartu do tej komórki idzie wstyrczyć, ale raczyj łod jakigosi technicznego patynta, kiery mo w postrzodku tyn telefón. Jak tak dobrze by sie człowiek rozezdrził po mieście, to na zicher trefić idzie eszcze nejmjynij na dziesiyńć kszeftów w kierych poradzymy se takóm komórkem zwielebić. Każdy uż dzisio mo w kapsie to małe pieróństwo i tóż isto skyrs tego gymby się lydzióm nie zawiyrajóm łod tego mówiynio do kónska plastiku. Nikiedy jak tak radijo zrobi wom dóma kaput to trzeja sie yno przeszmatłać po Głymboki a tam idzie wszecko usłyszeć. Nie trzeja ani gazet czytać, ani wlazować do interneta coby sie dowiedzieć, kiery se kogo wziył, kiery umrził, abo kiery stłósnył i może eszcze kiery mo dóma spornóm szwigermuter. Nejgorzij to je w autobusach, bo jedyn drugigo tak przewrzaskuje, że nikiedy ciynżko sie je s tej rzeczy wyrozumieć, kiero je przez starsze paniczki do telefóna nadowano. Nikierzi to majóm aji tak zrychtowane, że cosi wisi im za łuchym i skyrs tego poradzóm rzóndzić do luftu. Kónsek dalij za tymi kszeftami s telefónami jak sie nóm podarzi przehópnóć przez ulicem Olszaka, to na winklu trefiymy na PKO, kiere eszcze tam było za socjalizmu. Nie podarziło sie to tymu kiosku RUCHU, bo kierysi wyszkuboł go ze ściany i teraz mómy tam odrzitóm wnynke, kiero isto czako na jakisi dwiyrze.

Mini słownik:
rzecz-mowa,
porzóndzć-porozmawiać,
wrazić-włożyć,
ździorba-graty,
capart-graty,
rozezdrził-rozejrzał,
kszeft-skep,
zwielebić-załatwić,
kapsa-kieszeń,
pzeszmatłać-przejść,
stłósnył-przytył,
zrychtowane-urządzone,
rzóndzić-mówić,
skyrs-z powodu,
podarzi-uda się,
przehópnóć-przeskoczyć,
wyszkuboł-wyrwał,
odrzito- obdarta,
dwiyrze-drzwi
szwigermuter-teściowa

Tóż miyjcie sie wszedcy dobrze i wiesiołego popióntku

Komentarze: (0)    Zobacz opinię czytelników (0)    Dodaj opinie
Redakcja nie ponosi odpowiedzialności za treść komentarzy pozostawionych przez internautów. Komentarz dodany przez zarejestrowanego użytkownika pojawi się na stronie natychmiast po dodaniu. Anonimowy komentarz zostanie opublikowany z opóźnieniem, po jego akceptacji przez redakcję. Komentarze niezgodne z regulaminem będą usuwane.

Dodaj komentarz

Zawartość pola nie będzie udostępniana publicznie.
  • Adresy internetowe są automatycznie zamieniane w odnośniki, które można kliknąć.
  • Dozwolone znaczniki HTML: <em> <strong> <cite> <code> <ul> <ol> <li> <dl> <dt> <dd>
  • Znaki końca linii i akapitu dodawane są automatycznie.

Więcej informacji na temat formatowania

Image CAPTCHA
Wpisz znaki widoczne na obrazku.
reklama
reklama