CO TYDZIYŃ PO NASZYMU: Bydzie to moc zajimawe czy w pyndziałek gichnie na nas cosi z nieba czy z ampra "... ale "Monik" to szuści w uchu po francusku". fot. FJD  Dzisio Wóm zaś poczytóm po naszymu opowiadanie "O doktorowi", Władysława Wrany z książki "Prowdziwe starzikowe opowiadania". fot. FJD być zawsze do prawjynio gotowo a jak cie uż żodyn nie bydze rozumioł to jyny wiater bydzie po naszymu szumioł" Jo uż nie wiym co z tym czasym bo za każdym razym jak napiszym, że idzie wiosna to zaroz na drugi dziyń nasuje śniyg. Isto lepszyj by było napisać, że latoś wiosna nie przidzie to tuplowanie od pyndziałku bydzie lato. Ale możne uż nie trzeja bydzie gaci nacióngać ale jyno mieć ich na pozoryndziu. Fórt sóm my na Wyższej Bramie i dalij bydymy poglóndać na ty wszecki kszefty. Kónsek dalij trefiymy na kszeft z forchangami, łobrusami i rozmajtymi cychami. Nie wydzierżoł jednakowóż kierysi tyn co mo tyn kszeft, żeby cosi nie napisać po angielsku abo aji po francusku. Bo "fashion" to je isto po angielsku ale "Monik" to szućci w uchu po francusku. Podziwejcie sie jako tyn świat sie zmiynił eszcze na starych kartkach z Cieszyna widać moc szyldów po nimiecku a teraz naroz wszedcy majóm radzi anglików i francuzów. Dalij we dwiyrzach zaś kierysi sie wubec ganc nie wysilił bo ani bardzo nie widać co tam przedujóm. Na szybie we dwiyrzach wisi szuro kartka na kierej pisze "OTWARTE" ale żeby sie zwiedzieć co tam robióm abo przedujóm trzeja kapke czympnóć. Dlo młodzioków to je fuk ale jak jakosi starka czympnie to może sie uż nie wyprościć. Dobrze, że do szpitola nima daleko bo na wyproszczyni nie trzeja bydzie dłógo czakać. A teraz zaś fajny wic: Farosz sie pyto Jónka: - Czymuś nie był na Karła pogrzebie? To ganc ańfach! - Bo łón też na mojim nie bydzie. Mjyjcie sie wszedcy dobrze i Wiesiołych świąt Wielkanocnych Dzisio Wóm zaś poczytóm po naszymu opowiadanie "O doktorowi", Władysława Wrany z książki "Prowdziwe starzikowe opowiadania".
|
reklama
|
|||||||||||||||
|
Ja, to je prowda ze" po naszymu" juz malo kiery poradzi (albo chce) godac. Inaczy je za granicom, bo ludzie sie nie osztychajom jyny mowiom tak jak sie mowi tam , skod pochodzom. I wcale sie nie przjmujom ze kierysi ich moze nie zrozumiec, bo jak sie chce to idzie sie kapke wysilic i prugowac zrozumiec.
Jyny ze w Polsce som my zawsze "100 rokow za opicami" i jak sie kiery ocknie, to moze byc nieskoro, tak jak Walter pisze.
Je to tez tako gupio pycha, zeby sie dziwac "z gory" na tych co mowiom gwarom.
Panie Dral, jak to tak widzym, to szpacyrowani po Cieszynie sie jaksi ludzióm niezamówio, bo żodyn ani niepisnie. Ludzie sie isto wiyncy dziwajóm do geltaszki niż po tych szyldach a auzlagach, nanieszczynści takóm mómy dobe. Ale żeby sie żodyn nieodezwoł, to mi je dziwne. Isto w Cieszynie jyny Antcy majóm internet? Kaj sóm ludzie tustela, żeby już wymrzili?
Dzisio w TV było o ludziach z Wilanowa, kierych przodkowie kiejsi downo prziszli z Flamandrie, a ci ludzie do dzisio zachowujóm rzecz swoich przodków. A tu w Cieszynie ludzie żyjóm od dziada pradziada a jak to tak wyglóndo, to sie ze swoimi starzikami dzisio już ani niedomówióm. A wielko szkoda do tych młodych, bo niewszystko sie człowiek nauczy z ksiónżek. Na to przidóm dziepro aż im bedzie trzeba umiyrać, ale to już bedzie nieskoro. W tej dobie to tu już bedóm rozkazować ci z szykmymi oczami i dować za dziynnóm robote gorść ryżu. Móm nadzieje, że sie tego niedożyjym.
Dodaj komentarz