CO TYDZIYŃ PO NASZYMU : Być bachratym to dlo zdrowio nima dobre ...wlyś do do dwóch dochtorów...  ...s przodku mo przidane gold... Zaś jakosi nasze bachórza przeżyły ty świynta, ale możne, że snaszli sie też tacy co ciśli moc jedzynio do wola i do dzisia majóm ostude ze strzewami. Teraz to nima tak jak bywało kiejsi, że yno we świynta szło se pomaszkiecić, bo dzisio masorze i piekorze pieróm do kszeftów tela jedzynio, że to ni ma możne. Możne, że eszcze kiejsi przidzie taki czas, że we świynta na stołach bydzie yno tela jedzynio co potrzebujóm nasze bachórza i galaty chłopóm, a spodki paniczkóm bydóm sie we wtorek po świyntach normalnie dopinać. S pogodóm też było jakosi dziwoko, bo razinko wyglóndało na to, że zima sie nóm zaś curikne. Jakosi sie bez tego łobyło i dziynka tymu mogymy pokraczować dalij po Głymboki suchóm nogóm. Przez dwiyrze pod nomerym sztyrycet dzewiyńć idzie wlyś do dwóch dochtorów, ale yno roz do tydnia, bo isto kaj indzij majom lepszy płat i zustować delij na Głymboki przi nimocnych tustelokach sie im nie ryntuje. Jedyn ś nich doradzo jako to zrobić, coby kwit za człowiekym dziynnie nie chodził, a zesztresowanym chłopóm cosi przepisze i doradzi jako i kiedy majóm chópnóć ku paniczce pod pierzine. Zaś drugi dochtór mo we starości ty paniczki, kiere pod tóm pierzinóm ze swojim chłopym prziszły do porzónku i sóm przi nadzieji. Dwoje dwiyrzi dalij nad auslagóm je taki hrozny szyld, na kierym wielkim literami pisze OPTYK, a s przodku mo przidane gold. Ku czymu je tyn gold tego nie wiym, ale możne rozchodzi sie ło to, że przez ty bryle kiere se u niego se obsztelujymy bydymy wszecko widzieć ze złota, ganc tak samo jak kiejsi hańdownij takóm przipadłość mioł Grek Midas. Mini słownik: Toż miyjcie sie wszedcy dobrze i wiesiołego popióntku.
|
reklama
|
|||||||||||||||
|
Dodaj komentarz