Co tydziyń po naszymu: A zimy fórt nima"A jak mómy jakisi feler na łoczach to nóm go zrychtuje optyk...". fot. F.J.D. F.J.Dral, współpracownik portalu gazetacodzienna.pl, prowadzi kącik gwarowy "Co tydziyń po naszymu", fot. ARC Szpacyrkym po Cieszynie "Moja ty słodko cieszyńsko mowo Ganc prowdziwe pinióndze Zeszły tydziyń minyli my tyn kszeft z papiórami a zaroz za nim je tako dłogo siyń w kierej upuczónych je aże siedym rozmajtych sklepiczków. Myślym se, że je to cieszyński rekord kszeftowanio na taki maluśki przestrzyni. Aby jednakowóż wszedcy wiedzieli kaj co je niczym tam wlezie do postrzodka to gdosi zawiesił takowy szyld na wielkich futrach. Jak to poczytómy to sie dowjymy, że przedujóm tam oblyczke dlo hrubych paniczek a wedla na mjynszej tabulce kierysi nas namowio do przeszycio tego jak to bydymy mieć za wielki abo za małe. A jak nas ścignie płótno w kapsie to mogymy też tam cosi przedać a forse kieróm utarżymy przemjynić na ganc prowdziwe pinióndze. Potym na kóniec mogymy se te naszóm szczynśliwóm gymbe uwiecznić u zdjyńciorza. Jak uż to wszecko porobjymy i eszcze zostanie nóm jakisi grosz w kapsie to mogymy pokraczować dalij aby go udać. A jak mómy jakisi feler na łoczach to nóm go zrychtuje optyk na kierego za pore kroków trefiymy. Je to uż siódmy na jakigo żech trefił w naszym pieknym mieście i tak se myślym, że cieszyniocy dostali jakómsi chybe na łoczy jak to wszecko dookoła w tym naszym mieście łoglóndajóm. Bo jak sie tak obezdrzić poza siebie to same kszefty, biura i urzyndy sóm dookoła. To kaj ci ludziska majóm zarobiać żeby jako tako żyć. Przeca żodno wielko fabryka uż w Cieszynie sie nieobstoła a jedna tako została ganc zburzóno żeby aji w tym samym miejscu kszefcić. Zresztóm jak by ty fabryki stoły do dzisia to i tak by nie szło do nich dojechać bo podziwejcie sie na banhof w Cieszynie na kiery uż downo żodyn zug od Skoczowa nie przijyrzdżo. A teraz zać fajny wic: Dwo chłopi jadóm we restaracyjnym wagónie i jedyn prawi do drugigo: - Ty podziwej sie jaki tu majóm hrozne cyny. - Ja ja prawi drugi mosz recht kiery to widzioł aby taki dwie małe wyrsztelki tela kosztowały. - Bóg ich kiedysi za to ukorze. - Już ich ukoroł prawi drugi i wycióngo dwie widliczki z kapsy. Tóż mjyjcie sie wszedcy dobrze i wiesiołego popiątku. Dzisio Wóm zaś poczytóm po naszymu: "Jako Jozef Szeliga zapómnioł nogi pod lóżkym", Karola Piegzy z książki "Sękaci ludzie".
|
reklama
|
To je prowda, że zimy jeszcze ni ma, ale tu u nas wiatrzisko wyje jak sto diobłów, po polu polatujóm suche listki a do łoczy zamiast śniegym sypie pioskym. Na taki szkaredne wieczory jak tyn dzisiejszy je nejlepsze se cosi pieknego poczytać . Na Załolziu wedle "Głosu Ludu" pisze po polsku aji "Třinecký hutník", chocioż tych polskich tekstów już tam ni ma tela, co za czasów redaktora Adama Wawrosza a potym aji Kazimierza Jaworskigo. A tak naprowde, je jich żałośnie mało. Sóm tam ale za to nikiere ciekawe stałe rubryki, miyndzy inszymi aji felietóny Jewki Trzyńczanki, pisane po naszymu. Je ta gwara naschwol poprzetykano czechizmami, aby jóm rozumieli aji miejscowi Czesi. Nó co już, ewolucyja naszej gwary na każdym z brzegów Łolzy je w łostanich dziesiyncioleciach kapke odrymbno i nic s tym nie narobiymy. Tak że dlo wszystkich ciekawych tego, jak sie mówi po naszymu na lewym brzegu Łolzy:
http://www.trz.cz/thuhpcz/
Wszystkim życzym miłego wieczoru. Nó i żeby ty wypłowiałe suche trowniki sie już nareszcie schowały pod biołóm pierzinóm.
Panie Dral, tyn sklep do "hrubszych paniczek" je w kurzie. Jedna znómo aż z Pragi kiej przijedzie do Cieszyna w nim dycki cosi kupi a nimoże sie to wynachwolić.
Sawa, a może skończysz już narzekać i wrócisz do normalnego komentowania? W czym dokładnie przeszkadza Ci ta rejestracja? Jako niezarejestrowany użytkownik też możesz pisać.
żle łókropnie żeście to zrobili z tom rejestracyjom
Dodaj komentarz