, czwartek 18 kwietnia 2019
CO TYDZIEŃ PO NASZYMU: Krygle s piwym
Gdo nie czyto co tydziyń tego "Szpacyrku po Cieszynie" to nie wiy kaj my dzisio sóm.Bo czasym mogymy mieć s tym moc starości jak szpacyrujymy po nowych osiedlach. fot: F.J.Dral



Dodaj do Facebook

CO TYDZIEŃ PO NASZYMU: Krygle s piwym

CO TYDZIEŃ PO NASZYMU: Krygle s piwym

Zdjęcia F.J. Dral


CO TYDZIEŃ PO NASZYMU: Krygle s piwym


CO TYDZIEŃ PO NASZYMU: Krygle s piwym


CO TYDZIEŃ PO NASZYMU: Krygle s piwym

"Gdo sie za swój jynzyk wstydzi takim niech sie każdy brzidzi".

SZPACYRKYM PO CIESZYNIE

"Moja ty słodko cieszyńsko mowo

być zawsze do prawjynio gotowo

a jak cie uż żodyn nie bydzie rozumioł

to jyny wiater bydzie po naszymu szumioł"

POZÓR! Kiery nimo chynci tego czytać, abo kansi wraził łokulory, abo mo moc roboty i łoczy go bolóm to se może tego posłóchać jak prziciśnie ”kursywom” na tóm czornóm szczałke w tej szarej kostce, kierom nóndzie zaroz pod spodkym.

Krygle s piwym

Gdo nie czyto co tydziyń tego "Szpacyrku po Cieszynie" to nie wiy kaj my dzisio sóm.Bo czasym mogymy mieć s tym moc starości jak szpacyrujymy po nowych osiedlach.Kiejsi każdo chałupa była inkszo i jak sie łoczy dzwigło do wyrchu to zarozinko wiedziało sie kaj sie je.Dzisio wszecki chałupy sóm jednaki i jak człowiek nie napisze kaj my sóm to może być s tym ostuda.Łostatnio aji naszo SM Cieszynianka zaczła stawiać wedla chałup taki same zielóne hasioki i jak kiery uż mo kłopoty s pamiyńcióm to nie wiy kaj sie tym padym snaszeł i czy wyciepuje maras we swojim rejónie.Nie idzie sie aji smiarkować po słupach na kierych wiszóm lampy,bo każdy je oblepióny jednakimi reklamami.A wiszóm tam aji czasym porem miesiyńcy i tustelocy na zicher nie wiedzóm przi kierej lampie tak naprowde sie zadzierżeli.Nejwiyncyj tych papiórzanych chwolideł patrzi sie na pojczowani piniyndzy i na kupowani starych aucisków.Piekne to nima i szpeci wszecko dookoła.Żodyn też tego nie czyto,ale też żodyn tego nie skludzo,a stykło by jyno ,coby miastowi wachtyrze kozali to skludzić tym,co to tam poprzilepialii.Zdo sie,że byłoby to ganc ańfachowe,bo na każdym papiórku je nomer telefónu.Stykło by jyny zazwónić na nomer tego miglanca co nas pyto,coby u niego se pojczać pinióndze. Po drugi strónie cesty stoji parterowo chałupa poszkryfano łod ziymi aż po dach takim teraz modernym graffiti i chybiło placu na szyld s kierego szło by wyczytać ło co sie rozchodzi.Wedla dwiyrzi na płocie zapostrzónym słómóm idzie uwidzieć obrozek na kierym stoji dwóch chłopów,a w gorsciach dzierżóm krygle s piwym.

Mini słownik:

kaj-gdzie,
ostuda-kłopot,
kiejsi-kiedyś,
inkszo-inna,
starość-zmartwienie,
hasiok-śmietnik,
wyciepać-wyrzucić,
na zicher-na pewno,
pojczowani-pożyczanie,
skludzo-sprząta,
ańfachowe-proste,
cesta-droga,
poszkryfano-pobazgrana,
zapostrzóne-zasłonięte,
krygiel-kufel.

Tóż miyjcie sie wszedcy dobrze i wiesiołego poipióntku.

Dzisiejszy tekst ma tytuł "Krygle s piwym"

Komentarze: (4)    Zobacz opinię czytelników (0)    Dodaj opinie
Redakcja nie ponosi odpowiedzialności za treść komentarzy pozostawionych przez internautów. Komentarz dodany przez zarejestrowanego użytkownika pojawi się na stronie natychmiast po dodaniu. Anonimowy komentarz zostanie opublikowany z opóźnieniem, po jego akceptacji przez redakcję. Komentarze niezgodne z regulaminem będą usuwane.

To czymu marasicie?

Na bulczysz chłopie że lepij już kupić flaszke i wypić żeby cie zrozumieć

Szykowne ty chasioki som, a że som jednaki? Marasu nie widać.

dobrze żeś kamracie napisoł - taki to mómy i nie chce być inakszy bo my już do tego marasu sóm przywyknióni...

Dodaj komentarz

Zawartość pola nie będzie udostępniana publicznie.
  • Adresy internetowe są automatycznie zamieniane w odnośniki, które można kliknąć.
  • Dozwolone znaczniki HTML: <em> <strong> <cite> <code> <ul> <ol> <li> <dl> <dt> <dd>
  • Znaki końca linii i akapitu dodawane są automatycznie.

Więcej informacji na temat formatowania

Image CAPTCHA
Wpisz znaki widoczne na obrazku.
reklama
reklama