, poniedziałek 27 maja 2019
CO TYDZIEŃ PO NASZYMU: Jak sie cosi plyncie po ceście to sie wderzi do tego roz dwa
”...moderny chlyw s krowami...” fot: fot.FJD



Dodaj do Facebook

CO TYDZIEŃ PO NASZYMU: Jak sie cosi plyncie po ceście to sie wderzi do tego roz dwa

F.J DRAL
CO TYDZIEŃ PO NASZYMU: Jak sie cosi plyncie po ceście to sie wderzi do tego roz dwa

”...krowy i lelynie przelazujóm przez ceste...”


CO TYDZIEŃ PO NASZYMU: Jak sie cosi plyncie po ceście to sie wderzi do tego roz dwa

”...mo odboczyni s ulicą Sadową...”

"Gdo sie za swój jynzyk wstydzi takim niech sie każdy brzidzi".

SZPACYRKYM PO CIESZYNIE

"Moja ty słodko cieszyńsko mowo
być zawsze do prawjynio gotowo
a jak cie uż żodyn nie bydzie rozumioł
to jyny wiater bydzie po naszymu szumioł"

POZÓR! Kiery nimo chynci tego czytać, abo kansi wraził łokulory, abo mo moc roboty i łoczy go bolóm to se może tego posłóchać jak prziciśnie ”kursywom” na tóm czornóm szczałke w tej szarej kostce, kierom nóndzie zaroz pod spodkym.


KROWY I LELYNIE

Dzisio wyglóndo na to, że uż niechómy to Mnisztwo ze zadku za sobóm. Eszcze przeszmatlymy sie pore kroków i nóndymy sie na Biylski na kierej my byli uż łóńskigo roku. Po lewo wedla cesty idzie uwidzieć fest moderny chlyw s krowami, co jak na taki wielki miasto Cieszyn to je moc zaimawe. Prawie wszecki miasta w Polsce sóm tak porozcióngane, że majóm w siebie co sie yno do.Kónszczek lasa, stawu, pola i całej tej reszty geografije, kiero kiejsi była na dziedzinach. Nejbardziyj jednakowóż spodobały mi sie ty znaki przi ceście, kiere mają na siebie krowe, a po drugi strónie cesty jakigosi lelynia. Tustelocy isto wiedzom kiedy ty krowy i lelynie przelazujóm przez ceste i poradzóm rychlij zahaltować auto, coby w te leśno-dómowóm zwierzyne nie wderzić. Kapke dalij mo odboczyni ulica Sadowa, a ś nióm krziżujóm sie ulice, kiere majóm miana wiśniowo –czereśniowe. Teraz uż nic nas nie zahaltuje, bo wedla cesty nima niczego ło czym by szło pisać. Na samym kóńcu tej ulicy Ustróński je jednakowóż kónszczek gróntu na kierym stoji siedym rozmajtych chwolideł, kiere kierujóm nas do tych kszewtów ło kierych była rzecz pore tydni tymu. Niekierzi sie aji chwolóm po czesku, bo isto se myślóm,że sie tam zaplóntajóm jacysi Czesi s korónkami. Na prziszły tydziyń bydymy sie spadki dropać na Banotówke i zacznymy szpacyr łod krziżowatki s ulicóm Hallera i Kossak –Szatkowskiej. Na tej ulicy je tak napuczóne rozmajtych kszeftów, że uż dzisio sie radujym jaki fajne pisani mie czako. Zaproszóm na zaimawe informacyje o chałupie w kierej dzisio kszefci “STX”rozmajtymi wiecami.

Mini słownik:

  • ze zadku - z tyłu,
  • nóndymy - znajdziemy,
  • cesta - droga,
  • dziedzina - wieś,
  • rychlij - szybciej,
  • zahaltować - zatrzymać,
  • wderzić - uderzyć,
  • spadki – z powrotem,
  • napuczóne - zgromadzone,
  • zaimawe - intereujące,
  • kszefci - handluje.
  • Miyjcie sie wszedcy dobrze i wiesiołego popióntku!

    Dzisiejszy tekst ma tytuł ”Krowy i lelynie".

    Komentarze: (0)    Zobacz opinię czytelników (0)    Dodaj opinie
    Redakcja nie ponosi odpowiedzialności za treść komentarzy pozostawionych przez internautów. Komentarz dodany przez zarejestrowanego użytkownika pojawi się na stronie natychmiast po dodaniu. Anonimowy komentarz zostanie opublikowany z opóźnieniem, po jego akceptacji przez redakcję. Komentarze niezgodne z regulaminem będą usuwane.

    Dodaj komentarz

    Zawartość pola nie będzie udostępniana publicznie.
    • Adresy internetowe są automatycznie zamieniane w odnośniki, które można kliknąć.
    • Dozwolone znaczniki HTML: <em> <strong> <cite> <code> <ul> <ol> <li> <dl> <dt> <dd>
    • Znaki końca linii i akapitu dodawane są automatycznie.

    Więcej informacji na temat formatowania

    Image CAPTCHA
    Wpisz znaki widoczne na obrazku.
    reklama
    reklama